दीवा शहर मध्ये वारेकर शाळा, मुंबादेवी हॉस्पीटल परिसरात पिण्याच्या पाण्याच्या लाईनचे काम अंतिम टप्प्यात
प्रतिनिधि अरविंद कोठारी
दिवा शहर पूर्वेतील वारेकर शाळा आणि मुंब्रादेवी हॉस्पिटल परिसरातील असणारी पाणीटंचाई आता लवकरच दूर होणार असून नवीन पाईपलाईन टाकण्याचं काम अंतिम टप्प्यात आले असून आज सदर लाईनवर ठाणे महानगरपालिकेच्या वतीने वॉशआऊट करण्याचे काम हाती घेण्यात आलं होतं. महाराष्ट्राचे उपमुख्यमंत्री एकनाथ शिंदे व कार्यसम्राट खासदार डॉक्टर श्रीकांत शिंदे यांनी उपलब्ध करून दिलेल्या निधीमुळे व शिवसेना शहर प्रमुख रमाकांत मढवी यांच्या प्रयत्नामुळे व शिवसेना नगरसेवक यांच्या पाठपुराव्यामुळे सदरच्या पाईपलाईनचे काम हे होत असल्याचे मत शिवसेना उपशहर प्रमुख आदेश भगत यांनी व्यक्त केल.
सदर विभागात असणारी पाणीटंचाई व नागरिकांच्या पाठपुरामुळे शिवसेना नगरसेवक शैलेश पाटील ,नगर सेवक अमर पाटील व सौ दिपाली उमेश भगत यांनी केलेल्या मागणीमुळे ही पाईपलाईन लवकरच लोकांच्या सेवेत उपलब्ध होणार आहे. शिवसेना शहर प्रमुख रमाकांत मढवी यांच्या नेतृत्वाखाली दिवा शहरातील पाणीटंचाईवर मात करण्यात शिवसेना पक्षाला यश आले असून अनेक टंचाईग्रस्त भागांचा पाण्याचा प्रश्न आज निकाली निघाला आहे. वारेकर शाळा ते मुंब्रादेवी हॉस्पिटल ही पाण्याची नवीन लाईन पावसाळ्यापूर्वीच टाकण्यात आली होती परंतु यंदा लांबलेला पावसाळा यामुळे पाईपलाईनच्या वॉशआऊट करण्याचं काम रखडलं होतं. आता पावसाळा संपताच सदर लाईनीच्या वॉशआऊट च काम सुरू झालं असून लवकरच सर्व रहिवासी इमारतींना या नवीन लाईन वरून जोडणी देण्यात येणार असल्याचे मत शिवसेना उपशहर प्रमुख अँड .आदेश भगत आणि नगर सेवक शैलेश पाटिल यांनी व्यक्त केला
Author: RV. Reporters
Guhagar Office .. * Ratnagiri vartahar Digital News * ..
