तळवलीत रंगला दोन बहीणीचा नेञदिपक पालखी भेट सोहळा भक्तांनी पाहीला याची देही याची डोळा!
तळवली प्रतिनिधी (मंगेश जाधव)
गुहागर तालुक्यातील तळवली गावची ग्रामदैवत
सुकाई देवी व पेवे गावचे ग्रामदैवत आई झोलाई देवी या दोन बहिणींचा नेञदिपक पालखी भेट सोहळा मोठ्या उत्साहात पार पडला.
या सोहळ्याने भाविकांच्या उत्साहाला उधाण आले होते संपूर्ण परिसर भक्तीच्या रंगात न्हाऊन निघाला.दरवर्षीप्रमाणे तळवली ग्रामदैवत सहाण
येथे हा पालखी भेट सोहळा संपन्न झाला. “आई सुकाई देवी आई झोलाई देवी यांच्या नावाने होणारा जयघोष, फटाक्यांची भव्य आतिषबाजी आणि ढोल-ताशांच्या कडकडाटात दोन्ही पालख्या एकमेकींना भेटल्या.
हा नयनरम्य सोहळा डोळ्यांत साठवण्यासाठी गुहागर तालुक्यासह परराज्यातूनही हजारो भाविकांनी गर्दी केली होती.पालख्यांची भेट झाल्यानंतर परंपरेनुसार दोन्ही पालख्या तळवली सहाणेवर
विराजमान झाल्या. त्यानंतर विधीवत जपसाल आणि नैवेद्य दाखवून दर्शन सोहळ्याला सुरुवात झाली.
दोन्ही देवींना ‘जागृत देवस्थान’ आणि ‘नवसाला पावणारी माता’ म्हणून ओळखले जाते.आपल्या संकट काळात देवीने नेहमीच रक्षण केल्याची भावना येथील ग्रामस्थांमध्ये आहे. हीच श्रद्धा उराशी बाळगून भाविकांनी दर्शनासाठी लांबच लांब रांगा लावल्या होत्या.
या उत्सवाचे नेटके नियोजन ग्रामस्थांच्या एकजुटीने हा उत्सव समाजासमोर एक आदर्श ठेवणारा ठरला.
यावेळी उपस्थित मान्यवर श्री. सुकाई देवी देवस्थान कमिटी चे संपूर्ण कार्यकारिणी, मानकरी, गावकर, पुजारी आणि महिला वर्ग मोठ्या संख्येने उपस्थित होता.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
