दामले विद्यालयाच्या पाच विद्यार्थ्यांची नासा आणि इस्त्रो भेटीसाठी निवड – रत्नागिरीसाठी अभिमानाचा क्षण!
रत्नागिरी : रत्नागिरीतील विद्यार्थ्यांनी आणखी एक मानाचा तुरा रोवला आहे! जिल्ह्यातील दामले विद्यालयाच्या पाच विद्यार्थ्यांची थेट नासा (NASA) आणि भारतीय अंतराळ संशोधन संस्था (ISRO) भेटीसाठी निवड झाली आहे. हा केवळ शाळेसाठीच नव्हे, तर संपूर्ण जिल्ह्यासाठी अभिमानास्पद क्षण आहे.
६९८ विद्यार्थ्यांमधून पाच जणांची निवड
नगरपरिषद शिक्षण मंडळाच्या परीक्षेत १८ शाळांमधील ६९८ विद्यार्थ्यांनी सहभाग घेतला होता. अत्यंत काटेकोर प्रक्रियेनंतर दामले विद्यालयाच्या पाच विद्यार्थ्यांची अंतिम निवड करण्यात आली. विशेष म्हणजे, त्यातील मार्तंड नरेंद्र गावंड आणि सिद्धी संदीप स्वामी हे दोघे नासा आणि इस्त्रो दोन्ही ठिकाणी भेट देणार आहेत, तर सई नितीन जाधव, आराध्य देवेंद्र डेंगळे आणि आर्या रुपेश शिंदे हे तिघे इस्त्रोला जाणार आहेत.
विद्यार्थ्यांना मिळणार अद्वितीय संधी
ही निवड विद्यार्थ्यांसाठी एक अभूतपूर्व संधी असून, त्यांना नासा आणि इस्त्रोच्या संशोधन प्रक्रियेचा प्रत्यक्ष अनुभव घेता येणार आहे. अत्याधुनिक अवकाश तंत्रज्ञान, उपग्रह निर्मिती, प्रक्षेपण यंत्रणा आणि वैज्ञानिक प्रयोग यांची माहिती त्यांना थेट मिळेल.
शाळेच्या यशाचा नवा अध्याय
दामले विद्यालयाच्या या यशाने संपूर्ण रत्नागिरीचा गौरव वाढवला आहे. शाळेच्या शिक्षकांनी आणि विद्यार्थ्यांच्या पालकांनी या निवडीबद्दल अभिमान व्यक्त केला. या विद्यार्थ्यांचे भविष्यातील अंतराळ संशोधन क्षेत्रातील योगदान महत्त्वाचे ठरेल, असा विश्वास अनेकांनी व्यक्त केला आहे.
विद्यार्थ्यांचे यश सर्वांसाठी प्रेरणादायी
या उल्लेखनीय निवडीबद्दल विद्यार्थ्यांचे सर्व स्तरातून अभिनंदन होत आहे. त्यांचे हे यश इतर विद्यार्थ्यांसाठी प्रेरणादायी ठरेल आणि भविष्यात आणखी विद्यार्थी अशा सुवर्णसंधी मिळवण्यासाठी प्रयत्न करतील, असा विश्वास व्यक्तक रण्यात येत आहे.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
