मुंबई : सराईत मोटारसायकल चोरटा पोलिसांच्या जाळ्यात; मोठ्या रॅकेटचा संशय
नवी मुंबई (प्रतिनिधी – मंगेश जाधव)
पनवेल रेल्वे परिसरासह नवी मुंबईतील विविध भागांमध्ये गेल्या काही महिन्यांपासून दुचाकी चोरीच्या घटना मोठ्या प्रमाणावर वाढल्या होत्या. त्यामुळे नागरिकांमध्ये भीतीचे वातावरण निर्माण झाले होते.
या घटनांची गांभीर्याने दखल घेत गुन्हे शाखा कक्ष (२) पनवेल यांनी तपासाला गती दिली. तांत्रिक तपास व गुप्त बातमीदाराच्या मदतीने पोलिसांना मिळालेल्या माहितीवरून पळस्पे परिसरात सापळा रचण्यात आला. या कारवाईत आदित्य ठाकूर या सराईत गुन्हेगाराला पोलिसांनी अटक केली.
**अटक केल्यानंतर उघडकीस आलेल्या बाबी:**
– आदित्य ठाकूर याच्याकडून पोलिसांनी **एकूण ११ चोरीच्या दुचाकी वाहने** जप्त केली आहेत.
– पोलिसांचा अंदाज आहे की, या प्रकारामागे **मोठे रॅकेट कार्यरत** असण्याची शक्यता आहे.
– पुढील तपास सुरु असून आणखी आरोपींचा शोध घेण्याचे काम युद्धपातळीवर सुरू आहे.
**पोलिसांकडून अपील:**
– नागरिकांनी आपली वाहने सुरक्षित ठिकाणी पार्क करावी.
– वाहनांना योग्य प्रकारे लॉक करणे आवश्यक आहे.
– काही संशयास्पद हालचाली आढळल्यास तात्काळ पोलिसांना माहिती द्यावी.
पनवेल पोलिसांची ही धडक कारवाई नागरिकांमध्ये विश्वास निर्माण करणारी ठरली आहे. पुढील तपासातून आणखी मोठे खुलासे होण्याची शक्यता वर्तवली जात आहे.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
