‘छावा’तील बालशिवाजी अभिनव साळुंखेचा आमदार भास्कर जाधव यांच्या हस्ते सत्कार
चिपळूण मधील बोरगावचा सुपुत्र अभिनव साळुंखे याने ‘छावा’ चित्रपटात बालशिवाजीची भूमिका साकारून गौरव मिळवला; आमदार जाधव यांनी केला विशेष सन्मान.
चिपळूण – प्रतिनिधि
‘छावा’ चित्रपटात बालशिवाजीची प्रभावी भूमिका साकारणारा कु. अभिनव साळुंखे याचा नुकताच गुहागरचे आमदार भास्कर शेठ जाधव यांच्या हस्ते सत्कार करण्यात आला. अभिनव हा चिपळूण तालुक्यातील बोरगाव गावचा सुपुत्र असून सध्या तो शिक्षणासाठी मुंबईत आहे. आमदार जाधव विविध विकासकामांच्या शुभारंभासाठी बोरगाव येथे आले असताना अभिनव गावात असल्याचे कळताच त्यांनी त्याला आवर्जून बोलावले आणि सार्वजनिकरित्या सत्कार केला.
या प्रसंगी गावातील शिवसैनिक, ग्रामस्थ आणि युवक मोठ्या संख्येने उपस्थित होते. आमदार जाधव यांनी अभिनवच्या अभिनय कौशल्याचे विशेष कौतुक करत त्याला उज्ज्वल भविष्यासाठी शुभेच्छा दिल्या. अभिनवने ‘छावा’मधून बालशिवाजीच्या रूपात प्रेक्षकांच्या मनात घर केले असून कोकणातील या नवोदित कलावंताच्या कामगिरीचा गौरव स्थानिक पातळीवरही होत आहे, हे उल्लेखनीय आहे.
हॅशटॅग्स:
#छावा #बालशिवाजी #अभिनवसाळुंखे #भास्करजाधव #गुहागर #बोरगाव #मराठीचित्रपट #ShivajiMaharaj #KonkanTalent
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
