आ. भास्कर शेठ यांनी पाळला शब्द; दिलीप आग्रे यांना दिला विहिरीसाठी पंप
कोरोना काळात खोदलेली विहीर पाहून दिलेला शब्द आ. भास्कर जाधव यांनी पाळला; जलपूजन सोहळ्यात मान्यवरांची उपस्थिती
गुहागर ( प्रतिनिधी) कोरोनाच्या लॉकडाऊन काळात गुहागर तालुक्यातील तळवली गावातील दिलीप आग्रे आणि त्यांच्या कुटुंबीयांनी घराच्या आवारात परिश्रमपूर्वक विहीर खोदली. या विहिरीला भरपूर पाणी लागल्याचे समजताच आमदार भास्कर जाधव यांनी त्यांच्या श्रमाचे कौतुक करत त्यांना पाण्याचा पंप देण्याचे वचन दिले होते.
आता काही काळानंतर त्यांनी तो शब्द पाळत आग्रे कुटुंबीयांना पंप सुपूर्त केला. या सोहळ्याच्या निमित्ताने विहिरीचे उद्घाटन आणि जलपूजनही आमदार भास्कर जाधव यांच्या हस्ते पार पडले.
या प्रसंगी जिल्हा परिषदेचे माजी अध्यक्ष विक्रांत जाधव, ज्येष्ठ सहकारी विनायक मुळे, माजी पंचायत समिती सभापती सौ. विभावरी मुळे यांच्यासह आग्रे कुटुंबातील अनेक सदस्य उपस्थित होते. आमदार जाधव यांनी आपल्या भाषणात या कुटुंबाने कोरोना काळात दाखवलेल्या जिद्दीचे आणि आत्मनिर्भरतेचे कौतुक करत हा उपक्रम प्रेरणादायी असल्याचे सांगितले.
हॅशटॅग्स:
#भास्करजाधव #तळवली #गुहागर #कोरोनाकाळ #विहीरप्रेरणा #दिलीपआग्रे #RatnagiriNews #GraminVikas
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
