कविवर्य रामदास पवार गुरुजी यांच्या स्मृतीस समर्पित ‘संगीत स्वरांजली’ कार्यक्रम भव्यदिव्य स्वरूपात संपन्न
गुहागर तालुक्यातील शृंगारतळी येथे सम्यक कोकण कला संस्थेच्या वतीने आयोजित कार्यक्रमात सुप्रसिद्ध कलाकारांनी सादर केली गीतांची सुरेल मैफल
बातमी मजकूर:
गुहागर (ता. ३ मे) – तळवली (गुहागर) येथील सुप्रसिद्ध कवी, गायक, साहित्यिक व संगीतकार कविवर्य रामदास पवार गुरुजी यांच्या स्मृतीस समर्पित ‘संगीत स्वरांजली’ हा विशेष कार्यक्रम सम्यक कोकण कला संस्था (रजि.) महाराष्ट्रच्या गुहागर तालुका शाखेच्या वतीने भवानी सभागृह, शृंगारतळी येथे नुकताच मोठ्या उत्साहात पार पडला. या कार्यक्रमाच्या अध्यक्षस्थानी तालुका शाखेचे अध्यक्ष बी. जी. पवार होते.
कार्यक्रमाच्या सुरुवातीला डॉ. बाबासाहेब आंबेडकर, छत्रपती शिवाजी महाराज आणि कविवर्य पवार गुरुजी यांच्या प्रतिमांना पुष्पहार अर्पण करून दीपप्रज्वलन व त्रिसरण पंचशील घेऊन कार्यक्रमाचा शुभारंभ करण्यात आला.
कार्यक्रमात संस्थेचे राज्याध्यक्ष मंदार कवाडे, सचिव नरेश शिंदे, सुप्रसिद्ध गायिका मीनाक्षी थोरात, अनिता गायकवाड, हार्मोनियम वादक मोहन थोरात, बॅन्जो मास्टर सुदेश जाधव, गायक मिलिंद कदम यांच्यासह अनेक मान्यवर उपस्थित होते. याशिवाय पवार गुरुजींचे कुटुंबीय – बहिण चंद्रकला मोहिते, मेव्हुणे चंद्रकांत मोहिते, जावई प्रकाश गमरे व अभिजित कदम, मुलगी प्रज्ञा व शीतल, मुलगा सुमेश व सून पूर्वा, नातवंडे प्रसेन व असित यांचाही कार्यक्रमास सहभाग होता.
कार्यक्रमात रामदास पवार गुरुजी यांच्या “तुझी पंचशीला हवी जीवनात या मानवा” या गीताने त्रिसरण आधारित गीतगायनास प्रारंभ करण्यात आला. यानंतर संतोष का. पवार, बंड्या सावंत, भीमसेन सावंत, मनोज जाधव, मेघा कदम, दीपक व सुनील गमरे, मीनाक्षी थोरात, अनिता गायकवाड व नरेश शिंदे यांच्यासह अनेक कलाकारांनी सुरेल गीतांची मैफल सादर केली. त्यांना संगत दिली – संगम सावंत, प्रवीण पवार, दिलीप मोहिते, प्रदीप असगोलकर, दिनेश, अनिकेत व कुणाल गमरे यांच्यासह सुप्रसिद्ध बॅन्जो मास्टर सुदेश जाधव यांनी.
संस्थेचे अध्यक्ष मंदार कवाडे व सचिव नरेश शिंदे यांनी उपस्थितांना संस्थेच्या उपक्रमांची माहिती देत भविष्यातील योजनांबाबत मार्गदर्शन केले. सुरेशदादा सावंत, वीजुआप्पा कदम, शशिकांत जाधव यांनीही आपले विचार व्यक्त केले. कार्यक्रमाचे सूत्रसंचालन अविनाश गमरे यांनी केले तर संजय गमरे (वाकी) यांनी आभार मानून कार्यक्रमाची सांगता केली.
तालुका शाखेच्या सर्व पदाधिकाऱ्यांनी कार्यक्रमाच्या यशस्वीतेसाठी अथक मेहनत घेतली. सर्व मान्यवरांचे रामदास पवार गुरुजी यांच्या ‘गीत रमाई’ पुस्तक व पुष्पगुच्छ देऊन स्वागत करण्यात आले.
हॅशटॅग्स:
#रामदासपवारगुरुजी #संगीतस्वरांजली #गुहागर #कोकणकलासंस्था #MarathiEvents #KonkanCulture #TalukaNews #RatnagiriNews
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
