मुंबईत डॉ. बाबासाहेब आंबेडकर जयंतीचा उत्सव संपन्न; नालंदा बुद्धविहारात भाविकांचा उत्स्फूर्त सहभाग
बावीस खेडी बौद्धजन संघाच्या आयोजनात विविध मान्यवरांचा सत्कार, कार्यकर्त्यांचा गौरव
आबलोली (प्रतिनिधी) – मुंबईतील सहार गाव येथील नालंदा बुद्धविहार येथे बावीस खेडी बौद्धजन संघ, मुंबई विभाग यांच्या वतीने विश्वरत्न डॉ. बाबासाहेब आंबेडकर यांच्या १३४ व्या जयंती महोत्सवाचे भव्य आयोजन करण्यात आले.
कार्यक्रमाची सुरुवात अभिवादन सभेने झाली. यानंतर संस्थेचे माजी वरिष्ठ पदाधिकारी तसेच गावातील सक्रिय कार्यकर्त्यांचा विशेष सत्कार करण्यात आला. यामुळे उपस्थितांमध्ये प्रेरणा व उत्साहाचे वातावरण निर्माण झाले.
कार्यक्रमाचे अध्यक्षपद सदानंद जाधव यांनी भूषवले, तर दीपक जाधव यांनी सुत्रसंचालन करून कार्यक्रमाला योग्य दिशा दिली. यावेळी संस्थेचे सभापती सुरेश जाधव, उपसभापती विजय जाधव, उपाध्यक्ष दीपक कांबळे, चिटणीस दिलीप सावंत, कोषाध्यक्ष विजय पवार तसेच सर्व पदाधिकारी व सदस्य मोठ्या संख्येने उपस्थित होते.
कार्यक्रम यशस्वी होण्यासाठी संस्कार अकादमी व तक्षशिला अकादमीचे संचालक प्रफुल्लकुमार सावंत यांनी विशेष प्रयत्न केले. संपूर्ण कार्यक्रम शांततामय व सुसंगठित वातावरणात पार पडला.
#हॅशटॅग्स:
#AmbedkarJayanti2025 #DrBabasahebAmbedkar #MumbaiEvents #BuddhistCommunity #SocialJustice #NalandaBuddhaVihar #RatnagiriNews
फोटो
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
