रत्नागिरी जिल्हास्तरीय लोकशाही दिन : “प्रलंबित अर्ज तत्काळ मार्गी लावा” – जिल्हाधिकारी एम. देवेंद्रसिंग
लोकशाही दिनात नागरिकांचे ५ नवीन अर्ज दाखल; मागील अर्जांच्या तात्काळ कार्यवाहीचे आदेश
रत्नागिरी, (जिमाका) : “ज्या विभागाकडे नागरिकांचे अर्ज प्रलंबित आहेत, त्यांनी ते तत्काळ मार्गी लावावेत,” असे स्पष्ट निर्देश जिल्हाधिकारी एम. देवेंद्रसिंग यांनी दिले. जिल्हाधिकारी कार्यालयातील सभागृहात जिल्हास्तरीय लोकशाही दिनानिमित्त आयोजित बैठकीत त्यांनी हा आदेश दिला.
या बैठकीस निवासी उपजिल्हाधिकारी चंद्रकांत सूर्यवंशी, उपमुख्य कार्यकारी अधिकारी राहुल देसाई, प्रांताधिकारी जीवन देसाई, जिल्हा अधीक्षक कृषी अधिकारी शिवकुमार सदाफुले, विभाग नियंत्रक प्रज्ञेश बोरसे, आत्माचे प्रकल्प संचालक विजय बेतीवार आदी अधिकारी उपस्थित होते.
जिल्हाधिकाऱ्यांनी मागील प्रलंबित अर्जांची माहिती घेतली आणि त्यावर त्वरीत निर्णय घेण्याचे आदेश दिले. यावेळी नागरिकांकडून ५ नवीन अर्ज दाखल करण्यात आले. संबंधित विभागांनी नव्याने दाखल अर्जांबरोबरच जुन्या प्रलंबित प्रकरणांचीही कार्यवाही करून लोकशाही प्रक्रियेला गती द्यावी, असे त्यांनी सांगितले.
हॅशटॅग्स:
#रत्नागिरी #लोकशाहीदिन #जिल्हाधिकारी #प्रलंबितअर्ज #प्रशासन #नागरिकसेवा #DemocracyDay #RatnagiriNews
फोटो
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
