????️ शृंगारतळीतील खाद्यव्यवसायांमध्ये गैरप्रकार टाळण्यासाठी
अन्न भेसळ अधिकाऱ्यांकडून दुर्लक्ष; कारवाई न झाल्यास मनसेचा तीव्र इशारा!
गुहागर (प्रतिनिधी – संदेश कदम)
गुहागर तालुक्यातील शृंगारतळी बाजारपेठेतील हॉटेल, बिर्याणी सेंटर, चायनिज सेंटर, पाणीपुरी व भेळपुरी विक्रेत्यांकडून अन्न सुरक्षेशी संबंधित नियमांचा भंग होत असल्याचे गंभीर प्रकार समोर आले आहेत. यामध्ये अनधिकृत गॅस सिलेंडरचा वापर, सांडपाण्याचा निचरा न होणे, स्वच्छता गृहांची अनुपस्थिती, बालकामगारांची नेमणूक, वापरल्या जाणाऱ्या पाण्याची शुद्धता यासह अनेक मुद्द्यांवर अन्न भेसळ अधिकाऱ्यांनी दुर्लक्ष केले असल्याचा आरोप मनसेने केला आहे.
या प्रकरणी मनसेचे उपजिल्हाध्यक्ष विनोद जानवळकर यांनी थेट इशारा दिला आहे की, “जर लवकरच संबंधित अधिकाऱ्यांनी योग्य ती कारवाई केली नाही, तर मनसे स्टाईल आंदोलन राबवले जाईल.” व्यावसायिक व संबंधित अधिकाऱ्यांमधील साटेलोटे, ग्राहकांशी उद्धट वर्तन आणि अन्नाच्या गुणवत्तेतील तडजोड यावर सखोल चौकशी व्हावी, अशी त्यांची मागणी आहे.
मनसेच्या इशाऱ्यानंतर आता अन्न व औषध प्रशासन विभागाची भूमिका काय राहते याकडे सर्वांचे लक्ष लागले आहे.
—
???? फोटो
????️ हॅशटॅग्स:
#गुहागर #शृंगारतळी #अन्नभेसळ #मनसे #विनोदजानवळकर #बालकामगार #MNSProtest #HotelInspection #RatnagiriNews #रत्नागिरीवार्ताहर
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
