आदर्श शाळा तवसाळ तांबडवाडी येथे “शाळा प्रवेशोत्सव” उत्साहात साजरा

???? आदर्श शाळा तवसाळ तांबडवाडी येथे “शाळा प्रवेशोत्सव” उत्साहात साजरा

नवागत विद्यार्थ्यांचे औक्षण, पाठ्यपुस्तक आणि गणवेश वाटपाने कार्यक्रम संपन्न

गुहागर, तवसाळ | १६ जून २०२५ –
जिल्हा परिषद पूर्ण प्राथमिक आदर्श शाळा तवसाळ तांबडवाडी येथे शैक्षणिक सत्र २०२५-२६ चे स्वागत करण्यासाठी “शाळा प्रवेशोत्सव” मोठ्या उत्साहात साजरा करण्यात आला. महाराष्ट्र शासनाच्या उपक्रमांतर्गत आयोजित या कार्यक्रमात नवागत विद्यार्थ्यांचे औक्षण करून त्यांचे मनोभावे स्वागत करण्यात आले.

या विशेष दिवशी अंगणवाडीतून पहिलीत दाखल झालेल्या विद्यार्थ्यांना औक्षण करून शुभेच्छांसह शाळेच्या नव्या प्रवासाची सुरुवात करण्यात आली. यानंतर सर्व विद्यार्थ्यांना शासनाच्या समग्र शिक्षा अभियानांतर्गत मोफत पाठ्यपुस्तके तसेच गणवेश वाटप करण्यात आला.

कार्यक्रमासाठी शाळा व्यवस्थापन समितीचे अध्यक्ष श्री. रमेश रत्न कुरटे, उपाध्यक्ष सौ. वैष्णवी दीपक निवाते, माजी सरपंच सौ. नम्रता वसंत निवाते, शाळा व्यवस्थापन समिती सदस्य, ग्रामस्थ व महिला मंडळ यांनी उपस्थित राहून विद्यार्थ्यांना शुभेच्छा दिल्या.

ग्रामपंचायत काताळेच्या सरपंच सौ. प्रियांका निलेश सुर्वे मॅडम यांनीही सदिच्छा भेट देऊन उपस्थित विद्यार्थ्यांना खाऊ वाटप केला.

या कार्यक्रमाचे प्रभावी नियोजन शाळेचे मुख्याध्यापक श्री. अंकुर जनार्दन मोहिते सर, तसेच शिक्षक श्री. साईनाथ विजय पुंजारा सर व श्री. संदीप बापू भोये सर यांनी केले.

???? फोटो

???? हॅशटॅग्स

#शाळा_प्रवेशोत्सव #तवसाळ_शाळा #गुहागर #रत्नागिरीशिक्षण #गणवेशवाटप #पुस्तकवाटप #मराठीबातमी #शैक्षणिकउत्सव

Author: Sujit Surve.

⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕