पाटपन्हाळे विद्यालयात उत्साहात गुरुपौर्णिमा साजरी; गुरूंचे महत्त्व अधोरेखित
स्टेट बँकेचे नयनेश शिंदे यांची प्रमुख उपस्थिती; विद्यार्थ्यांनी व्यक्त केले मनोगत
आबलोली (संदेश कदम)
गुहागर तालुक्यातील न्यू इंग्लिश स्कूल व कनिष्ठ महाविद्यालय, पाटपन्हाळे विद्यालयात नुकताच गुरुपौर्णिमा आणि व्यासपौर्णिमा कार्यक्रम मोठ्या उत्साहात संपन्न झाला. मुख्याध्यापिका सौ. एस.एस. चव्हाण यांच्या अध्यक्षतेखाली झालेल्या या कार्यक्रमासाठी स्टेट बँक ऑफ इंडियाचे शृंगारतळी शाखा व्यवस्थापक श्री. नयनेश शिंदे प्रमुख पाहुणे म्हणून उपस्थित होते. त्यांच्यासोबत सांस्कृतिक विभाग प्रमुख एस.वाय. भिडे, प्रसिद्धी विभाग प्रमुख एस.एम. आंबेकर, विज्ञान शिक्षक के.डी. शिवणकर यांच्यासह सर्व शिक्षकवृंद उपस्थित होता.
कार्यक्रमाची सुरुवात मान्यवरांच्या हस्ते दीपप्रज्वलनाने झाली. महर्षी व्यास आणि सरस्वतीदेवी यांच्या प्रतिमांना कार्यक्रमाध्यक्षा सौ. एस.एस. चव्हाण आणि श्री. नयनेश शिंदे यांच्या हस्ते पुष्पहार अर्पण करून पूजन करण्यात आले. मान्यवरांचे पुष्पगुच्छ देऊन स्वागत करण्यात आले. कार्यक्रमाचे सूत्रसंचालन कस्तुरी घाणेकर हिने केले, तर आठवीतील विद्यार्थिनी कस्तुरी वझे हिने प्रास्ताविक सादर केले. प्रमुख पाहुणे नयनेश शिंदे यांनी कार्यक्रमासाठी शुभेच्छा दिल्या.
याप्रसंगी पूर्वा जाधव, आदित्य भिंगारे, अभिज्ञा पवार (इयत्ता पाचवी), प्रीती राठोड (इयत्ता सहावी), सावनी दीक्षित, मधुरा शेलार, श्रीराम भिडे, ऋतुजा भिडे (इयत्ता सातवी), रिद्धी धामणस्कर, स्वरा बारे, श्रीया धुमक, नवशिन नदाफ, वीणा देसाई, वेदांत धुमक, अथर्व राठोड (इयत्ता आठवी) आणि देवयानी घरट (इयत्ता दहावी) या विद्यार्थ्यांनी गुरुपौर्णिमेनिमित्त आपले मनोगत व्यक्त केले.
सांस्कृतिक विभाग प्रमुख एस.वाय. भिडे यांनी गुरुपौर्णिमा कार्यक्रमाच्या निमित्ताने मार्गदर्शन केले. कार्यक्रमाध्यक्षा तथा मुख्याध्यापिका सौ. एस.एस. चव्हाण यांनी गुरुपौर्णिमा साजरी करण्याचा हेतू आणि गुरूंचे जीवनातील महत्त्व यांबद्दल सखोल मार्गदर्शन केले. त्यांनी कार्यक्रम यशस्वी करणाऱ्या आठवीच्या विद्यार्थ्यांचे तसेच मनोगत व्यक्त करणाऱ्या सर्व विद्यार्थ्यांचे अभिनंदन केले. आठवीतील शार्दुल ओक याने मान्यवर, शिक्षकवृंद आणि उपस्थित विद्यार्थी यांचे सहकार्याबद्दल आभार मानून कार्यक्रमाचा समारोप केला.
#मराठीबातम्या #गुरुपौर्णिमा #पाटपन्हाळेविद्यालय #न्यूइंग्लिशस्कूल #शिक्षण #सांस्कृतिककार्यक्रम #विद्यार्थी #गुरुमहत्व #गुहागर #र
त्नागिरी
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
