आंबेरे खुर्द तंटामुक्ती समिती अध्यक्षपदी पांडुरंग पाते यांची निवड

आंबेरे खुर्द तंटामुक्ती समिती अध्यक्षपदी पांडुरंग पाते यांची निवड

ज्येष्ठ सामाजिक कार्यकर्त्यांवर विश्वासाचा ठसा; ग्रामसभेत सर्वानुमते अविरोध निवड

आबलोली (संदेश कदम)

गुहागर तालुक्यातील निर्मल ग्रामपंचायत आंबेरे खुर्द येथे आयोजित ग्रामसभेत महात्मा गांधी तंटामुक्ती समिती अध्यक्षपदी ज्येष्ठ सामाजिक कार्यकर्ते पांडुरंग गणपत पाते यांची सर्वानुमते व अविरोध निवड करण्यात आली.

पांडुरंग पाते हे गुहागर तालुका कुणबी नागरी सहकारी पतसंस्था लिमिटेड, आबलोली यांचे संचालक आहेत. तसेच कुणबी समाज संघ मुंबई शाखा तालुका ग्रामीण या सामाजिक संस्थेचे अध्यक्ष, ओबीसी संघर्ष समन्वय समिती गुहागर तालुकाध्यक्ष, तर भाग्योदय ज्ञान प्रसारक शिक्षण संस्था पाचेरी आगर-आंबेरे खुर्द यांचे सरचिटणीस अशी त्यांची बहुआयामी सामाजिक कारकीर्द आहे.

त्यांच्या निवडीबद्दल गुहागर तालुक्यातील विविध सामाजिक, धार्मिक व राजकीय स्तरातून त्यांच्यावर अभिनंदनाचा वर्षाव होत असून, गावकऱ्यांमध्ये समाधान व्यक्त होत आहे.

—

🔖 हॅशटॅग्स :

#आंबेरेखुर्द #तंटामुक्तीसमिती #गुहागर #सामाजिककार्य #रत्नागिरीवार्ताहर

📸 फोटो

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग