बीडमध्ये निलंबित माजी पोलीस निरीक्षक सुनील नागरगोजे आत्महत्या

September 2, 2025
12:38 pm
Post Views: 320

🟣 बीडमध्ये निलंबित माजी पोलीस निरीक्षक सुनील नागरगोजे आत्महत्या

परभणीतील शिस्तभंग प्रकरणानंतर नैराश्यात; अंबाजोगाईतील निवासस्थानी गळफास

बीड – निलंबित माजी पोलीस निरीक्षक सुनील नागरगोजे यांनी सोमवारी रात्री अंबाजोगाई येथील भाड्याच्या घरात गळफास घेऊन आत्महत्या केली. या घटनेने पोलीस दलात खळबळ उडाली आहे.

नागरगोजे यांचे मूळ गाव बीड जिल्ह्यातील परळी तालुक्यातील नागदरा असून, ते कुटुंबियांसह अनेक वर्षांपासून अंबाजोगाई येथे वास्तव्यास होते. त्यांच्या पत्नी आणि मुले सध्या पुण्यात शिक्षणासाठी असल्याने, ते घरी एकटेच होते.

🔹 शिस्तभंग कारवाईची पार्श्वभूमी

परभणी येथे कार्यरत असताना त्यांनी तेथील पोलीस अधीक्षकांना शिवीगाळ केल्याचा आरोप झाला होता.
त्यानंतर त्यांच्यावर चौकशी सुरू होती.
बीड येथे बदली झाल्यानंतरही एका कर्मचाऱ्याला धमकी दिल्यामुळे त्यांना नियंत्रण कक्षात सीमित ठेवण्यात आले.
अखेर एप्रिल 2025 मध्ये त्यांना सेवेतून बडतर्फ करण्यात आले होते.
त्यानंतर ते नैराश्यात गेले होते.

🔹 घटनेचा तपशील

सोमवारी रात्री आठ वाजण्याच्या सुमारास त्यांनी गळफास घेऊन आयुष्य संपवलं. घटनेची माहिती मिळताच अंबाजोगाई शहर पोलीस घटनास्थळी दाखल झाले. त्यांनी मृतदेह उत्तरीय तपासणीसाठी स्वामी रामानंद तीर्थ वैद्यकीय महाविद्यालयात पाठवला आहे.