💥💥 कोतवडे हा भाजपचा पारंपरिक गट मजबूत करा : ना. नितेश राणे

🟣 भाजप कोतवडे गटाच्या पक्ष कार्यालयाचे झाले उद्घाटन; कार्यकर्त्यांना पक्ष मंदिरासारखे मानून काम करण्याचे आवाहन

रत्नागिरी :

“पक्ष कार्यालय हे कार्यकर्त्यांसाठी मंदिर असते. इथे लोकांच्या अडचणी दूर होतील, हा विश्वास कार्यकर्त्यांनी जनतेत निर्माण केला पाहिजे,” असे प्रतिपादन राज्याचे मत्स्यव्यवसाय व बंदरे मंत्री तथा रत्नागिरी संपर्क मंत्री ना. नितेश राणे यांनी केले.

रत्नागिरीतील भारतीय जनता पार्टीच्या जिल्हा परिषद गट कोतवडे विभागीय कार्यालयाचे उद्घाटन ना. राणे यांच्या हस्ते झाले. या कार्यक्रमाला भाजपा दक्षिण रत्नागिरी जिल्हाध्यक्ष राजेश सावंत, मंडल अधिकारी विवेक सुर्वे, जिल्हा उपाध्यक्ष संजय यादव, माजी जि.प. उपाध्यक्ष सतीश शेवडे, दत्ता देसाई, किसान घाणेकर, सरचिटणीस उमेश देसाई, उमेश कुलकर्णी, धामणसे ग्रामपंचायत सदस्य ऋतुजा कुलकर्णी यांच्यासह पदाधिकारी व कार्यकर्ते मोठ्या संख्येने उपस्थित होते.

यावेळी बोलताना ना. राणे म्हणाले की, “देशाचे पंतप्रधान, राज्याचे मुख्यमंत्री, ग्रामविकास मंत्री, रत्नागिरीचे खासदार, राज्याचे भाजप प्रमुख आणि तुमचा संपर्कमंत्री हे सर्व भाजपचे आहेत. इतके मोठे पाठबळ असताना विकास निधी हक्काने मागा आणि जनतेला विश्वास द्या की, आपली कामे भाजपकडूनच होणार आहेत. हा कोतवडे गट भाजपचा पारंपरिक बालेकिल्ला असून, येथून पक्षाचे महत्वाचे पदाधिकारी निवडून गेले आहेत. त्या वैभवाला पुन्हा उजाळा देण्यासाठी कार्यकर्त्यांनी एकजुटीने काम केले पाहिजे.”

राणे यांनी पुढे सांगितले की, “कार्यकर्त्यांना पक्ष कार्यालय हे मंदिर वाटले पाहिजे. त्यांना आधार आणि दिशा मिळाली पाहिजे. कोतवडे गटाचे वैभव कायम ठेवण्यासाठी मी तुमच्या पाठीशी खंबीरपणे उभा आहे.”

—

🔖 हॅशटॅग्स :

#Ratnagiri #Kotawade #BJP #NiteshRane #PoliticalNews #MaharashtraPolitics #BJPOfficeOpening

Author: RV. Reporters

Guhagar Office .. * Ratnagiri vartahar Digital News * ..