💥 ठळक बातमी 💥

राजापूर अर्बन बँक खोट्या कर्ज प्रकरणी सुनावणी १८ व २३ सप्टेंबरला

गोरगरीब सभासदांच्या तक्रारींवर सहाय्यक निबंधक जिल्हाधिकारी कार्यालय रत्नागिरीत होणार सुनावणी

राजापूर प्रतिनिधी – पुरुषोत्तम खांबल

राजापूर : रत्नागिरी-सिंधुदुर्ग जिल्ह्यातील नामवंत राजापूर अर्बन को-ऑपरेटिव्ह बँक च्या रत्नागिरी शाखेत उघडकीस आलेल्या कोट्यवधींच्या खोट्या कर्ज प्रकरणी महत्त्वाची सुनावणी होणार आहे. ही सुनावणी दि. १८ व २३ सप्टेंबर रोजी सहाय्यक निबंधक, जिल्हाधिकारी कार्यालय, रत्नागिरी येथे पार पडणार आहे.

या घोटाळ्यात सभासदांच्या नावाने खोटी कर्जप्रकरणे दाखल करण्यात आली असून त्याच सभासदांचा वापर इतर खोट्या कर्जांसाठी जामीनदार म्हणून करण्यात आला आहे. परिणामी सभासदांनी दिलेल्या कागदपत्रांचा गैरवापर झाल्याचे गंभीर आरोप समोर येत आहेत.

फसवणूक झालेल्या सभासदांचे म्हणणे आहे की, अपूर्ण इमारतींतील फ्लॅट्सवर देखील लाखो रुपयांची कर्जे वितरित करण्यात आली. बँकेच्या वाढत्या NPA खात्यांना झाकण्यासाठी व लेखापरीक्षण अहवाल ‘ड’ वरून ‘ब’ मिळवण्यासाठी हा संपूर्ण खटाटोप रचण्यात आला, अशी माहिती समोर आली आहे.

या प्रकरणामुळे रत्नागिरी आणि सिंधुदुर्ग जिल्ह्यातील ठेवीदारांचा विश्वास डळमळीत झाला असून अनेकांनी आपली ठेव परत घेण्यास सुरुवात केली आहे. दरम्यान, बँकेच्या प्रतिमेला चमक आणण्यासाठी लेखापरीक्षण अहवालासंदर्भात सकारात्मक बातमी देखील प्रकाशित करण्यात आली होती.

या सर्व घडामोडींमध्ये फसवणूक झालेल्या सभासदांना आगामी सुनावणीत न्याय मिळण्याची अपेक्षा आहे.

🔖 हॅशटॅग

#राजापूरअर्बनबँक #रत्नागिरी #सिंधुदुर्ग #खोटीकर्जप्रकरण #बँकसुनावणी #ठेवीदारांच्याआशा

📷 फोटो

Author: Purushottam Khambal

पुरुषोत्तम खंबल. ???? डिजिटल मिडिया प्रतिनिधि - राजापुर ???? धोपेश्वर, ता. राजापुर , जि.रत्नागिरी