गोरेगावमध्ये अमेरिकन नागरिकांना ठकविण्याचा गोरख धंदा!

September 21, 2025
7:25 am
Post Views: 240

🛑 गोरेगावमध्ये अमेरिकन नागरिकांना ठकविण्याचा गोरख धंदा!

🚨 इमारतीत रात्री पोलिसांचा छापा; 13 जण अटकेत, बोगस कॉल सेंटरचा पर्दाफाश

मुंबई : गोरेगाव (पूर्व) येथील विहान कमर्शियल कॉम्प्लेक्सच्या सातव्या मजल्यावर सुरु असलेल्या बोगस कॉल सेंटरवर गुन्हे शाखा युनिट 12 ने सोमवारी मध्यरात्री धाड टाकत मोठी कारवाई केली. या कॉल सेंटरच्या माध्यमातून अमेरिकन नागरिकांना फसवले जात असल्याचे उघड झाले असून, पोलिसांनी या प्रकरणात दोन मालक, एक व्यवस्थापक आणि दहा टेलिकॉलर एजंटसह एकूण 13 जणांना अटक केली आहे.

🎯 कसा चालायचा फसवणुकीचा डाव?

आरोपी “गीक स्क्वॉड” आणि “मॅकॅफी अँटीव्हायरस नूतनीकरण” या नावाने बनावट ईमेल पाठवत. ईमेलमध्ये दिलेल्या टोल-फ्री नंबरवर कॉल केल्यास आरोपी “EYEBEM” सॉफ्टवेअरच्या मदतीने ग्राहकांच्या संगणकावर रिमोट अॅक्सेस मिळवत. त्यानंतर पीडितांना गिफ्ट कार्ड खरेदी करण्यास भाग पाडलं जायचं, ज्याचे पैसे पुढे क्रिप्टोकरन्सीमध्ये रूपांतरित केले जात.

🔎 छाप्यात काय सापडलं?

कारवाईदरम्यान पोलिसांनी

15 संगणक
10 लॅपटॉप
20 मोबाईल
इतर इलेक्ट्रॉनिक उपकरणे

जप्त केली आहेत. प्राथमिक चौकशीत हे कॉल सेंटर पूर्णपणे बनावट असल्याचे सायबर तज्ज्ञांनी सांगितले आहे.

⚖️ कायदेशीर कारवाई

या प्रकरणी वनराई पोलिस ठाण्यात एफआयआर नोंद करण्यात आली असून, आरोपींवर भारतीय दंड संहिता, माहिती तंत्रज्ञान कायदा आणि दूरसंचार कायदा 2023 अंतर्गत गुन्हा दाखल केला आहे. अटकेनंतर सर्व आरोपींना न्यायालयात हजर करण्यात आले असून, त्यांना पोलिस कोठडी सुनावण्यात आली आहे. पुढील तपास गुन्हे शाखा युनिट 12 करत आहे