मुंबईकरांचे ‘मेगा’हाल! रविवारी तिन्ही मार्गांवर ब्लॉक,
=====================
ब्लॉक वेळेत रेल्वेरुळांसह सिग्नलची देखभाल दुरुस्ती करण्यात येते. यामुळे काही लोकल फेऱ्या रद्द राहणार असून काही लोकल फेऱ्या विलंबाने धावणार आहेत. मेल-एक्स्प्रेसवरही ब्लॉकचा परिणाम होणार आहे.
विद्याविहार ते ठाणे आणि ठाणे ते वाशी मध्य रेल्वेने रविवारी, २८ सप्टेंबर रोजी ब्लॉक घोषित केला आहे. पश्चिम रेल्वेवर चर्चगेट ते मुंबई सेंट्रलदरम्यान पाच तासांचा दिवसकालीन ब्लॉक घेण्यात येणार आहे
मध्य रेल्वे
स्थानक – विद्याविहार ते ठाणे
मार्ग – पाचवा आणि सहावा
वेळ – सकाळी ८ ते दुपारी १.३०
परिणाम – ब्लॉक वेळेत पाचव्या आणि सहाव्या मार्गावरील मेल-एक्स्प्रेस गाड्या अप आणि डाउन जलद मार्गावर वळवण्यात येणार आहे. यामुळे १५ मेल-एक्स्प्रेस विलंबाने धावणार असून काही जलद लोकल फेऱ्या रद्द राहतील तर काही २० मिनिटे विलंबाने धावणार आहेत.
हार्बर रेल्वे
स्थानक – ठाणे ते वाशी
मार्ग – अप आणि डाउन
वेळ – सकाळी ११.१० ते दुपारी ४.१०
परिणाम – ठाणे ते वाशी नेरूळ पनवेल मार्गावरील अप आणि डाउन लोकल फेऱ्या रद्द राहणार आहेत. उर्वरित हार्बर मार्गावर लोकल फेऱ्या उपलब्ध राहणार आहेत.
पश्चिम रेल्वे
स्थानक – चर्चगेट ते मुंबई सेंट्रल
मार्ग – अप आणि डाउन धीमा
वेळ – सकाळी १०.३५ ते दुपारी ३.३५
परिणाम – ब्लॉक वेळेत अप आणि डाउन धीम्या मार्गावरील लोकल अप आणि डाउन जलद मार्गावर वळवण्यात येणार आहेत.
कर्जत स्थानकात १५ दिवस ब्लॉक
कर्जत रेल्वे स्थानकात सिग्नल संबंधित यांत्रिक कामे करण्यासाठी अर्थात प्री-नॉन इंटरलॉकिंगसाठी २६ सप्टेंबर ते १० ऑक्टोबरदरम्यान मध्य रेल्वेने विशेष ट्रॅफिक आणि पॉवर ब्लॉक घोषित केला आहे. ब्लॉक वेळेत कल्याण ते खोपोलीदरम्यान अप आणि डाउन लोकल फेऱ्या रद्द राहणार आहेत. काही मेल-एक्स्प्रेस अंशत: रद्द राहणार असून काही विलंबाने धावणार आहेत. एक ऑक्टोबर ते १० ऑक्टोबरदरम्यान रेल्वेगाड्यांवर होणाऱ्या परिणामांची माहिती लवकरच जाहीर करण्यात येणार आहे.२७ ते ३० सप्टेंबरदरम्यान ब्लॉक
स्थानक – नागनाथ केबिन ते कर्जत ( फलाट दोन व तीन दरम्यान ) / कर्जत फलाट क्र. तीन ते चौक
मार्ग – अप आणि डाउन
वेळ – सकाळी ११.२० ते दुपारी ४.२० पर्यंत रेल्वेगाड्यांवरील परिणाम
ब्लॉक वेळेत कर्जत ते खोपोलीदरम्यान लोकल फेऱ्या रद्द
१२.२० सीएसएमटी – खोपोली लोकल कर्जतपर्यंतच धावेल.
१.४८ खोपोली-सीएसएमटी लोकल कर्जतहून रवान होईल.
रविवारी गाडी क्रमांक २२१९४ ग्वाल्हेर दौंड कल्याण-कर्जत मार्गे वळवून कल्याणला थांबेल.
मंगळवारी गाडी क्रमांक ११०१४ कोइम्बतूर-एलटीटी चार तास विलंबाने धावेल
मंगळवारी गाडी क्रमांक १२१६४ चेन्नई-एलटीटी चार तास विलंबाने धावेल.
मंगळवारी गाडी क्रमांक १२२६४ चार तास विलंबाने धावेल.
NEWSPAPER AND NEWS
Author: Ratnagiri Vartahar
⭕ मुख्य संपादक - सुजेंद्र सुर्वे , रत्नागिरी वार्ताहर *डिजीटल मिडिया बातमी पत्र* ◀️ Digital Media Creator's ▶️
