🌾 मंडणगड तालुक्यात दोन ग्रामसडक विकास प्रकल्पांचे भूमिपूजन.
खासदार सुनील तटकरे यांच्या हस्ते ग्रामीण विकासाला बळ
मंडणगड : प्रधानमंत्री ग्रामसडक योजनेअंतर्गत आज मंडणगड तालुक्यात दोन महत्त्वपूर्ण रस्ते विकास प्रकल्पांचे भूमिपूजन खासदार सुनील तटकरे यांच्या हस्ते संपन्न झाले. आतखोल–तेर्डी–कुडुक खुर्द ते जिल्हा हद्द रस्ता आणि अडखळ–टाकवली–पंदेरी रस्ता या दोन मार्गांच्या उभारणीमुळे दुर्गम भागातील गावांना मुख्य रस्त्यांशी थेट जोडणी मिळणार आहे.
या विकासकामामुळे ग्रामीण भागातील प्रवास अधिक सोयीस्कर आणि सुरक्षित होणार असून वेळेची बचत तसेच वाहतुकीतील अडथळे कमी होतील. प्रधानमंत्री ग्रामसडक योजनेद्वारे ग्रामीण भागातील प्रत्येक गावापर्यंत सुलभ दळणवळण पोहोचवण्याचे उद्दिष्ट साधले जात असल्याचे या वेळी खासदार तटकरे यांनी सांगितले.
या प्रसंगी पक्षाचे स्थानिक पदाधिकारी, संबंधित विभागाचे अधिकारी तसेच ग्रामस्थ मोठ्या संख्येने उपस्थित होते.
#मंडणगड #प्रधानमंत्रीग्रामसडकयोजना #सुनीलतटकरे #ग्रामीणविकास #रत्नागिरीविकास #कोकणविकास #रस्तेविकास #RatnagiriVartahar
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
