🏃♂️ जिंदाल विद्या मंदिरचा यशवर्धन मोहिते पावसाळी धावणे स्पर्धेत तिसऱ्या क्रमांकावर!
रत्नागिरीत झालेल्या तालुकास्तरीय क्रीडा स्पर्धेत तवसाळच्या यशवर्धन मोहितेची चमकदार कामगिरी
गुहागर – तवसाळ (प्रतिनिधी):
रत्नागिरी येथे पार पडलेल्या शालेय तालुकास्तरीय मैदानी क्रीडा स्पर्धेत जिंदाल विद्या मंदिर, रत्नागिरी येथील विद्यार्थ्यांनी उल्लेखनीय कामगिरी करत यश संपादन केले आहे.
या स्पर्धेत तवसाळ गाव पंचक्रोशी मोहिते वाडी येथील इयत्ता आठवीचा विद्यार्थी कु. यशवर्धन विजय मोहिते याने १७ वर्षाखालील गटातील ८०० मीटर धावणे स्पर्धेत तृतीय क्रमांक पटकावून आपले कौशल्य सिद्ध केले.
यशवर्धनच्या या उल्लेखनीय यशाबद्दल तवसाळ गाव पंचक्रोशीतील ग्रामस्थांनी आणि स्थानिक क्रीडाप्रेमींनी त्याचे मनःपूर्वक अभिनंदन केले असून, पुढील वाटचालीसाठी शुभेच्छा दिल्या आहेत.
या यशस्वी खेळाडूंसह इतर विजेत्यांची निवड आता जिल्हास्तरीय मैदानी स्पर्धेसाठी करण्यात आली आहे.
शाळेचे पर्यवेक्षक दिपक दरडी, शालेय व्यवस्थापन समितीचे अध्यक्ष विजय इंगवले तसेच शिक्षकवर्गाने यशवर्धनचे कौतुक करून त्याला शुभेच्छा दिल्या.
🏅 #यशवर्धनमोहिते #जिंदालविद्यामंदिर #रत्नागिरी #गुहागर #तवसाळ #शालेयक्रीडा #धावणेस्पर्धा #RatnagiriNews #SportsInKonkan #KonkanPride
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
