🕯️ धक्कादायक ; गणपतीपुळे समुद्रात तरुणाचा बुडून मृत्यू

पुण्याहून पर्यटनासाठी आलेल्या निखिल वाघमारेचा समुद्रात बुडून मृत्यू; शुक्रवारी झाला होता बेपत्ता

रत्नागिरी : गणपतीपुळे समुद्रात शुक्रवारी (२४ ऑक्टोबर) सायंकाळच्या सुमारास समुद्रस्नानासाठी उतरलेला अठरा वर्षीय तरुण निखिल शिवाजी वाघमारे (वय १८, रा. केशवनगर, मुंढवा, पुणे) बेपत्ता झाला होता. शनिवारी (२५ ऑक्टोबर) सायंकाळी त्याचा मृतदेह समुद्रकिनाऱ्यावर आढळून आला.

मिळालेल्या माहितीनुसार, निखिल वाघमारे आपल्या आई-वडिलांसह, दोन बहिणी व इतर नातेवाईकांसोबत गणपतीपुळे येथे देवदर्शन आणि पर्यटनासाठी आला होता. सायंकाळच्या वेळी सर्वजण समुद्रस्नानासाठी उतरले असता निखिल अचानक पाण्यात बेपत्ता झाला. लगेचच स्थानिक व्यावसायिक, जीवरक्षक आणि पोलीस यंत्रणेला याबाबत कळविण्यात आले. मात्र शोधमोहीम रात्रभर सुरू असूनही त्याचा पत्ता लागला नव्हता.

शनिवारी सायंकाळी समुद्रकिनाऱ्यालगत शोध घेत असताना निखिलचा मृतदेह आढळून आला. तत्काळ गणपतीपुळे देवस्थानच्या रुग्णवाहिकेतून त्याला खंडाळा येथील प्राथमिक आरोग्य केंद्रात नेण्यात आले, मात्र तेथील वैद्यकीय अधिकाऱ्यांनी त्याला मृत घोषित केले.

—

🏷️ हॅशटॅग्स:

#गणपतीपुळे #रत्नागिरी #समुद्रातबुडूनमृत्यू #निखिलवाघमारे #गणपतीपुळेबीच #समुद्रस्नान #RatnagiriNews #GanpatipuleBeach #MaharashtraNews

—

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग