सातारा डॉक्टर आत्महत्या प्रकरणाला वेगळे वळण! एसपी तुषार दोशींचा धक्कादायक खुलासा
सुसाईड नोटनंतर दोन आरोपींना अटक; ‘आत्महत्या करण्यापूर्वी नियमित संपर्कात होती,’ पोलीस तपासाला वेगळे वळण,
सातारा डॉक्टर आत्महत्या प्रकरण: SP तुषार दोशींचा मोठा खुलासा! ‘मृत डॉक्टरचे दोन्ही आरोपींशी संबंध,’ लॉज बुकिंग, चॅट्सची माहिती
सातारा: साताऱ्यातील डॉक्टर महिलेच्या आत्महत्या प्रकरणाची चौकशी वेगाने सुरू असून, या प्रकरणाला आता वेगळे वळण लागले आहे. साताऱ्याचे जिल्हा पोलीस अधिक्षक तुषार दोशी यांनी पत्रकार परिषदेत तपासातील काही धक्कादायक खुलासे केले आहेत.
पोलीस अधिक्षक तुषार दोशी यांनी दिलेल्या माहितीनुसार, सुसाईड नोटच्या आधारावर दोन आरोपींना अटक करण्यात आली असून ते सध्या पोलीस कोठडीत आहेत. तपासामध्ये डिजिटल पुरावे, फॉरेन्सिक अहवाल आणि आरोपी व पीडित डॉक्टर तरुणीचे मोबाईल तपासण्यात आले आहेत.
तपासात समोर आलेल्या प्रमुख बाबी:
- संबध आणि संपर्क: आत्महत्या केलेल्या डॉक्टर तरुणीचे दोन्ही आरोपींसोबत संबंध होते आणि ती त्यांच्या नियमित संपर्कात होती. त्यांचे काही चॅटही पोलिसांना सापडले आहेत.
- लॉज बुकिंग: ती भाड्याच्या खोलीत राहात असतानाही लॉजवर गेली होती. विशेष म्हणजे, लॉजची रूम तिनेच बुक केली होती, हे समोर आले आहे.
- तपासाची दिशा: ती लॉजवर कशासाठी गेली होती? तिला तिथे कोण भेटले? या प्रश्नांची उत्तरे पोलीस शोधत आहेत.
- सीसीटीव्ही फुटेज: लॉजवरील सीसीटीव्ही फुटेज तपासले असून, त्यात कुठल्याही प्रकारची संशयास्पद हालचाल दिसत नसल्याचे पोलीस अधिक्षकांनी स्पष्ट केले.
- आत्महत्या आणि अहवाल: तिने रात्री दीडच्या सुमारास आत्महत्या केली आहे. शवविच्छेदनाचा प्राथमिक अहवालही पोलिसांना मिळाला आहे.
मोबाईल डेटावरून डॉक्टर तरुणी दोन्ही आरोपींच्या संपर्कात होती आणि त्यांच्यासोबत चॅट करत होती हे स्पष्ट झाल्यामुळे या आत्महत्या प्रकरणाला आता एक वेगळा अँगल मिळाला आहे. मात्र, तपास पूर्ण होईपर्यंत कोणत्याही निष्कर्षावर पोहोचले नसल्याचे पोलिसांनी स्पष्ट केले आहे.
Author: Prachi Sutar
Prachi Sutar - Ratnagiri. *Digital media creators* Office clark.PR.
