कु.आर्या प्रशांत साळवी हिचा आदर्श विद्यार्थी म्हणून सुयश कॉम्पुटर सेंटर तर्फे गौरव
आबलोली (संदेश कदम)
गुहागर तालुक्यातील आबलोली येथील सुयश कॉम्प्युटर सेंटर आबलोली येथे प्रती वर्षाप्रमाणे याही वर्षी गुहागर तालुक्यातील आबलोली पंचक्रोशीतील इयत्ता १० वी, इयत्ता १२ वी बोर्डाच्या परीक्षेत उज्वल यश संपादन केलेल्या विद्यार्थ्यांचा आणि स्पर्धा परीक्षेत उज्वल यश संपादन केलेल्या विद्यार्थ्यांचा गुणगौरव सोहळा तसेच एम.एस. सी.आय. टी.च्या परीक्षेला बसणाऱ्या विद्यार्थ्यांचा शुभेच्छा कार्यक्रम आणि गुणगौरव सोहळा नुकताच सुयश कॉम्प्युटर सेंटर आबलोली येथे मान्यवरांच्या उपस्थितीत उत्साहात संपन्न झाला.यावेळी एम.एस.सी.आय.टी.२०२६ च्या बॅचची आदर्श विद्यार्थी म्हणून कुमारी आर्या प्रशांत साळवी (काजुर्ली) हिला मान्यवरांच्या हस्ते भेटवस्तू देऊन तिचा गौरव करण्यात आला.
यावेळी या कार्यक्रमाच्या अध्यक्षस्थानी निर्मल ग्रामपंचायत खोडदे या ग्रामपंचायतीचे सरपंच ॲड. प्रतीक पवार, ग्रामविकास अधिकारी बाबूराव सूर्यवंशी, उद्योजक गजानन साळवी, सुयश कॉम्प्युटर सेंटरचे संचालक संदेश साळवी, सेवानिवृत्त गव्हर्मेंट ऑडिटर जगदीश साळवी, पत्रकार संदेश कदम आदी. मान्यवर उपस्थित होते. हा संपूर्ण कार्यक्रम यशस्वी करण्यासाठी सुयश कॉम्प्युटर सेंटरच्या संचालिका सौ. सावी साळवी, शुभम सावंत, साक्षी सावंत, प्रवीण आचरेकर, सिद्धी डिंगणकर, सलोनी मोहिते, विशाखा झगडे यांनी विशेष प्रयत्न केले. शेवटी सुरेश कम्प्युटर सेंटरचे संचालक संदेश साळवी यांनी सर्वांचे आभार मानले
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
