मतदार यादी पुनरीक्षणाला ८ ऑगस्टपर्यंत मुदतवाढ; अंतिम मतदार यादी १९ ऑक्टोबरला प्रसिद्ध

मतदार यादी पुनरीक्षणाला ८ ऑगस्टपर्यंत मुदतवाढ; अंतिम मतदार यादी १९ ऑक्टोबरला प्रसिद्ध

कोकणातील मुसळधार पावसामुळे निवडणूक आयोगाचा निर्णय; रत्नागिरीत BLO मार्फत घराघरांत गणना प्रपत्र संकलन सुरू

रत्नागिरी : भारत निवडणूक आयोगाने महाराष्ट्रातील विशेष सखोल मतदार यादी पुनरीक्षण (SIR) २०२६ कार्यक्रमासाठी ८ ऑगस्ट २०२६ पर्यंत मुदतवाढ दिली आहे. कोकण, मुंबई आणि राज्यातील काही भागांत झालेल्या मुसळधार पावसामुळे पुनरीक्षणाच्या कामात अडथळे निर्माण झाल्याने हा निर्णय घेण्यात आला आहे. मुख्य निवडणूक अधिकारी, महाराष्ट्र यांच्या विनंतीनंतर भारत निवडणूक आयोगाने १५ जुलै २०२६ रोजी सुधारित कार्यक्रम जाहीर केला असल्याची माहिती जिल्हा निवडणूक अधिकारी तथा जिल्हाधिकारी मनुज जिंदल यांनी दिली.

भारत निवडणूक आयोगाच्या १४ मे २०२६ च्या निर्देशानुसार ३० जून २०२६ पासून मतदान केंद्रस्तरीय अधिकारी (BLO) यांच्यामार्फत मतदारांच्या घरोघरी जाऊन गणना प्रपत्र (Enumeration Form) वाटप आणि संकलनाचे काम सुरू करण्यात आले होते. मात्र, मुसळधार पावसामुळे अनेक भागांत हे काम पूर्ण होऊ शकले नाही. त्यामुळे आता ३० जून ते ८ ऑगस्ट २०२६ या कालावधीत BLO मार्फत गृहभेटी सुरू राहणार आहेत. तसेच मतदान केंद्रांचे सुसूत्रीकरण व पुनर्रचनेचे कामही ८ ऑगस्ट पर्यंत पूर्ण केले जाणार आहे.

सुधारित वेळापत्रकानुसार १७ ऑगस्ट २०२६ रोजी प्रारूप मतदार यादी प्रसिद्ध केली जाईल. त्यानंतर १७ ऑगस्ट ते १६ सप्टेंबर २०२६ या कालावधीत मतदारांना दावे आणि हरकती दाखल करता येतील. प्राप्त दावे व हरकतींची सुनावणी आणि निकाली काढण्याची प्रक्रिया १५ ऑक्टोबर २०२६ पर्यंत पूर्ण केली जाईल. त्यानंतर १९ ऑक्टोबर २०२६ रोजी अंतिम मतदार यादी प्रसिद्ध करण्यात येणार आहे.

मुदतवाढीमुळे मतदारांना गणना प्रपत्र भरून देण्यासाठी अधिक वेळ उपलब्ध झाला असून, रत्नागिरी जिल्ह्यातील सर्व मतदारांनी आपले गणना प्रपत्र वेळेत भरून संबंधित BLO कडे जमा करावे आणि विशेष पुनरीक्षण मोहिमेला सहकार्य करावे, असे आवाहन जिल्हाधिकारी मनुज जिंदल यांनी केले आहे.

SEO Keywords: मतदार यादी 2026, Special Intensive Revision 2026, SIR 2026, Ratnagiri Voter List, BLO Ratnagiri, मतदार गणना प्रपत्र, महाराष्ट्र निवडणूक आयोग, अंतिम मतदार यादी १९ ऑक्टोबर, Ratnagiri News, Election Commission India.

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग