नागपूर दंगलीचा मास्टर माइंड मायनॉरिटी डेमोक्रॅटिक पार्टी (एमडीपी) चा शहराध्यक्ष फईम खान?
नागपूर शहरात १७ मार्च रोजी उसळलेल्या हिंसाचाराच्या प्रकरणात मायनॉरिटी डेमोक्रॅटिक पार्टी (एमडीपी) चे शहराध्यक्ष फहीम शमीम खान यांना पोलिसांनी अटक केली आहे. पोलिसांच्या तपासानुसार, फहीम खान यांनी भडकाऊ भाषण देऊन जमावाला उत्तेजित केले, ज्यामुळे हिंसाचार उसळला. या हिंसाचारात ३४ पोलिस कर्मचारी जखमी झाले होते.
फहीम खान यांनी २०२४ च्या लोकसभा निवडणुकीत केंद्रीय मंत्री नितिन गडकरी यांच्या विरोधात एमडीपीच्या तिकिटावर नागपूर मतदारसंघातून निवडणूक लढवली होती, ज्यात त्यांना पराभवाचा सामना करावा लागला होता. सध्या फहीम खान यांना २१ मार्चपर्यंत पोलिस कोठडी सुनावण्यात आली आहे.
या हिंसाचाराच्या दरम्यान, महिला पोलिस कर्मचाऱ्यांवर देखील हल्ले झाले होते. अंधाराचा फायदा घेत काही आरोपींनी महिला पोलिस कर्मचाऱ्यांचा विनयभंग करण्याचा प्रयत्न केला आणि त्यांना शिवीगाळ केली. या प्रकरणात आतापर्यंत ४६ आरोपींना अटक करण्यात आली आहे आणि त्यांना २१ मार्चपर्यंत पोलिस कोठडी सुनावण्यात आली आहे.
पोलिसांनी दिलेल्या माहितीनुसार, हा हिंसाचार पूर्वनियोजित होता आणि फहीम खान यांनी काही कट्टरपंथी लोकांना एकत्र करून हा कट रचला होता.
सध्या नागपूर शहरातील संवेदनशील भागांमध्ये कर्फ्यू लागू आहे आणि परिस्थिती नियंत्रणात ठेवण्यासाठी पोलिस सतर्क आहेत.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
