“काव्यलीला” कवितासंग्रहाचे प्रकाशन १७ एप्रिलला दापोलीत
सुनिता बेलोसे लिखित कवितासंग्रहाचे प्रकाशन मुश्ताक खान यांच्या हस्ते; ईक्बाल मुकादम, धनंजय यादव यांची उपस्थिती
दापोली – साहित्यप्रेमींसाठी एक पर्वणी ठरणारा “काव्यलीला” या कवितासंग्रहाचा प्रकाशन सोहळा गुरुवार, १७ एप्रिल २०२५ रोजी सकाळी ११ वाजता, वराडकर बेलोसे महाविद्यालय, दापोली येथील सांस्कृतिक सभागृहात संपन्न होणार आहे. हा संग्रह कवयित्री सुनिता दिलीप बेलोसे यांचा सर्जनशीलतेचा आणि भावविश्वाचा समृद्ध आविष्कार आहे.
प्रकाशन सोहळ्यात “माय कोकण” प्रकाशनाचे संपादक मुश्ताक खान यांच्या शुभहस्ते संग्रहाचे प्रकाशन होईल. ते कोकण मराठी साहित्य परिषदेचे जिल्हा प्रतिनिधी आणि कोषाध्यक्ष म्हणून कार्यरत असून, कोकणातील साहित्य-संस्कृतीचे जाणकार मानले जातात.
कार्यक्रमात ज्येष्ठ साहित्यिक ईक्बाल मुकादम प्रमुख अतिथी म्हणून तर आर. व्ही. बेलोसे एज्युकेशन फाउंडेशनचे सभापती धनंजय यादव अध्यक्ष म्हणून उपस्थित राहतील.
“काव्यलीला” या संग्रहात निसर्ग, मानवी भावना, आणि सामाजिक वास्तव यावर आधारित विविध विषयांची सुंदर मांडणी कवितांमधून करण्यात आली आहे. जीवनातील साधे पण अर्थपूर्ण क्षण कवयित्रीने शब्दरूपात सादर केले असून, हा संग्रह वाचकांना अंतर्मुख करणारा ठरणार आहे.
हा सोहळा वराडकर बेलोसे महाविद्यालय आणि आर. व्ही. बेलोसे एज्युकेशन फाउंडेशन, दापोली यांच्या संयुक्त विद्यमाने आयोजित करण्यात आला आहे. प्राचार्य डॉ. भारत कऱ्हाड आणि कार्यवाह डॉ. दशरथ भोसले यांनी सर्व साहित्यप्रेमी, मान्यवर व स्थानिक नागरिकांना या कार्यक्रमासाठी उपस्थित राहण्याचे आवाहन केले आहे.
कोकणातील निसर्गरम्य आणि सांस्कृतिक परंपरेने समृद्ध दापोलीत होणारा हा प्रकाशन सोहळा नवोदित साहित्यिकांसाठी प्रेरणादायी ठरेल, तसेच मराठी कवितेची समृद्ध परंपरा अधिक बळकट करण्यास मदत करेल, अशी अपेक्षा व्यक्त केली जात आहे.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
