‘तेज सोशल फाउंडेशन’ महाराष्ट्रात सामाजिक कार्यासाठी सज्ज – सौ. चैतालीताई येरुणकर यांची माहिती.
महिला सबलीकरण, अनाथ व वृद्धांसाठी मदत, शैक्षणिक-सांस्कृतिक विकास आणि आरोग्य क्षेत्रात काम करण्याचा संकल्प
आबलोली (संदेश कदम) –
महिला सबलीकरण, अनाथ व वृद्ध व्यक्तींना आधार, तसेच शैक्षणिक, सामाजिक, सांस्कृतिक, आरोग्य व क्रीडा क्षेत्रातील कार्यासाठी ‘तेज सोशल फाउंडेशन (महाराष्ट्र)’ ही नवीन सामाजिक संस्था लवकरच कार्यान्वित होणार असल्याची माहिती संस्थेच्या संस्थापिका आणि सामाजिक कार्यकर्त्या सौ. चैतालीताई येरुणकर यांनी दिली.
मुंबईतील जोगेश्वरी येथे मुख्य कार्यालय असलेल्या या संस्थेच्या माध्यमातून युवक व युवती कल्याण, वृद्धाश्रम आणि अनाथाश्रम विकास, तसेच सामान्य जनतेला मदतीचा हात देण्यावर भर दिला जाणार आहे. “सर्वसामान्य जनतेच्या कल्याणासाठी आम्ही शासनाच्या विविध योजना व सहकार्याचा लाभ घेणार आहोत,” असे सौ. येरुणकर यांनी स्पष्ट केले.
महाराष्ट्रभर विविध जिल्ह्यांमध्ये कार्यरत राहण्यासाठी सामाजिक कार्यकर्त्यांची टीम तयार करण्यात येत आहे. संस्था नोंदणी प्रक्रियेनंतर लवकरच तेज सोशल फाउंडेशनचे कार्य सुरु होणार आहे.
हॅशटॅग्स:
#TejSocialFoundation #SocialWork #WomenEmpowerment #YouthDevelopment #MaharashtraNews #ChaitaliYerunkar #NGOMumbai #AbololiNews #सामाजिककार्य #तेजसोशलफाउंडेशन
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
