???? प्रवाशांसाठी दिलासा!
दर्जाहीन सेवा देणाऱ्या हॉटेल-मोटेल थांब्यांवर कारवाई करा – परिवहनमंत्री प्रताप सरनाईक यांचा आदेश
महिलांसह सर्व प्रवाशांच्या तक्रारींची दखल; गैरसोयीच्या थांब्यांची तपासणी करून रद्द करण्याचे निर्देश
मुंबई : एसटी प्रवासादरम्यान हॉटेल वा मोटेल थांब्यांवरील अन्नपदार्थांची निकृष्टता, स्वच्छतेचा अभाव आणि कर्मचाऱ्यांचे असभ्य वर्तन या बाबींमुळे प्रवाशांच्या तक्रारी वाढत असताना, परिवहनमंत्री व एसटी महामंडळाचे अध्यक्ष प्रताप सरनाईक यांनी ठोस पावले उचलली आहेत. प्रवाशांना चांगली सेवा न देणारे थांबे थेट रद्द करण्याचे आदेश त्यांनी एसटी प्रशासनाला दिले आहेत.
लांब पल्ल्याच्या प्रवासात जेवणासाठी घेतले जाणारे थांबे अनेकदा गैरसोयीचे ठरत आहेत. महिलांसाठी अपुऱ्या व अस्वच्छ सुविधा, महाग व शिळे अन्न, तसेच कर्मचाऱ्यांचे उद्धट वर्तन – या तक्रारींवर सरनाईक यांनी गंभीर दखल घेतली आहे. संबंधित हॉटेल्सची झाडाझडती घेऊन, जे थांबे प्रवाशांच्या गरजा पूर्ण करत नाहीत, ते रद्द करण्याचे निर्देश त्यांनी दिले आहेत.
प्रमुख निर्देश:
15 दिवसांत सर्व थांब्यांचे सर्वेक्षण व अहवाल सादर करावा
निकृष्ट सेवा असलेल्या थांब्यांना तत्काळ बंद करा
नवीन, स्वच्छ व प्रवाशांना अनुकूल थांबे मंजूर करा
राजकीय हस्तक्षेप न मानता कठोर कारवाई करा
एसटी महामंडळाचे उपाध्यक्ष व व्यवस्थापकीय संचालक माधव कुसेकर यांना हे आदेश दिले असून, प्रवाशांच्या आरोग्यास व सुरक्षिततेस कोणतीही तडजोड केली जाणार नाही, असेही सरनाईक यांनी स्पष्ट केले. उत्पन्नाचे नुकसान सोसले जाईल पण सेवा दर्जेदार असली पाहिजे, ही त्यांची ठाम भूमिका आहे.
—
#STBus #परिवहनमंत्री #प्रतापसरनाईक #हॉटेलथांबे #प्रवासीसेवा #MSTRansport #BusStopSurvey #PublicWelfare #WomenSafety #मराठीबातमी
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
