माजी प्र-कुलगुरू प्रा. डॉ. योगानंद काळे यांचे निधन
विदर्भातील शैक्षणिक, सामाजिक आणि विचारप्रवृत्त कार्यक्षेत्राला मोठा धक्का
नागपूर – राष्ट्रसंत तुकडोजी महाराज नागपूर विद्यापीठाचे माजी प्र-कुलगुरू आणि धरमपेठ महाविद्यालयाचे माजी प्राचार्य, तसेच भारतीय जनसंघापासून भाजपपर्यंत सक्रिय असलेले निष्ठावान कार्यकर्ते प्रा. डॉ. योगानंद काळे यांचे आज (शनिवार, १९ एप्रिल) निधन झाले. त्यांच्या निधनाने नागपूरच्या शैक्षणिक आणि सामाजिक वर्तुळाला मोठी हानी झाली आहे.
डॉ. काळे हे केवळ शिक्षणतज्ज्ञ नव्हते, तर भारतीय विचारसरणीचे अभ्यासकही होते. ‘स्वदेशी जागरण मंचा’च्या माध्यमातून त्यांनी भारतीय संस्कृती, इतिहास आणि अर्थनीतीवर दीर्घकाळ चिंतन व लेखन केले. ‘स्वदेशी’ या विषयावर त्यांनी स्वतः पुस्तके लिहून त्यातून मिळणारी सर्व रक्कम स्वदेशी जागरण मंचाच्या कार्याला समर्पित केली होती.
मुख्यमंत्री देवेंद्र फडणवीस यांनी डॉ. काळे यांच्या निधनाबद्दल शोक व्यक्त करताना म्हटले की, “विदर्भाचा विकास, देशाची आर्थिक धोरणे या विषयांवर त्यांनी विपुल लेखन केले. जनसंघ काळापासून त्यांनी स्वत:ला राष्ट्रकार्यात वाहून घेतले होते. त्यांच्या निधनामुळे नागपूरच्या सामाजिक, शैक्षणिक वर्तुळाची हानी झाली आहे. मी त्यांना भावपूर्ण श्रद्धांजली अर्पण करतो. त्यांच्या कुटुंबीयांच्या दु:खात सहभागी आहोत.”
#योगानंदकाळे #नागपूर #डॉकाळे #शैक्षणिकदृष्टिकोन #स्वदेशीचळवळ #मुख्यमंत्रीशोक #विदर्भविचारवंत #भावपूर्णश्रद्धांजली
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
