पेहलगाममधील दहशतवादी हल्ल्यावर रत्नागिरीत मनसेचा संताप
पाकिस्तानी झेंडा जाळून तीव्र निषेध; ‘पापीस्थान’ असा उल्लेख करत मनसे आक्रमक
रत्नागिरी : काश्मीरमधील पहलगाम येथे झालेल्या दहशतवादी हल्ल्याचा तीव्र निषेध व्यक्त करत आज रत्नागिरीत महाराष्ट्र नवनिर्माण सेनेतर्फे पाकिस्तानी झेंड्याची होळी करण्यात आली. “निष्पाप लोकांचे जीव घेणारा पाक, नक्कीच नापाक आणि पापी आहे,” अशा शब्दांत मनसे कार्यकर्त्यांनी संताप व्यक्त केला.
काश्मीरमधील या भ्याड हल्ल्याचे पडसाद रत्नागिरीत उमटले आणि मनसेने पाकिस्तानविरोधात जोरदार घोषणाबाजी करत शहरात निषेध मोर्चा काढला. पाकिस्तानचा ‘पापीस्थान’ असा उल्लेख करत मनसेने ‘पाकिस्तान मुर्दाबाद’, ‘दहशतवादाचा नाश होवो’ अशा घोषणांनी परिसर दणाणून सोडला.
या वेळी मनसे जिल्हाध्यक्ष अविनाश सौन्दळकर, उपजिल्हाध्यक्ष अरविंद मालाडकर, जिल्हा सचिव महेंद्र गुळेकर, तालुकाध्यक्ष सचिन शिंदे, शहराध्यक्ष बाबय भाटकर, महिला शहर सचिव संपदा राणा, रुपाली गोसावी, कार्यालय प्रमुख शैलेश मुकादम, अवधूत पिलणकर आदी पदाधिकारी व कार्यकर्ते मोठ्या संख्येने उपस्थित होते.
—
#मनसे #रत्नागिरी #दहशतवादीहल्ला #पहलगाम #पाकिस्तानमुद्दतबंदी #झेंडाजाळला #MNSProtest #RatnagiriNews #BreakingNews
Author: Team Ratnagiri Vartahar
Official Ratnagiri vartahar Media creators & RV News YouTube Channel.
