तळवली कनिष्ठ महाविद्यालयाचा बारावीचा निकाल शंभर टक्के; विद्यार्थ्यांचे घवघवीत यश
कला व वाणिज्य शाखांचा एकत्रित निकाल शंभर टक्के; ग्रामीण भागात उत्सवाचे वातावरण
तळवली ( मंगेश जाधव प्रतिनिधी) – पाटपन्हाळे एज्युकेशन सोसायटीच्या न्यू इंग्लिश स्कूल व कनिष्ठ महाविद्यालय, तळवली (ता. गुहागर, जि. रत्नागिरी) या संस्थेचा बारावीचा निकाल शंभर टक्के लागला असून परिसरात विद्यार्थी, पालक व शिक्षकांमध्ये आनंदाचे वातावरण आहे.
महाराष्ट्र राज्य माध्यमिक व उच्च माध्यमिक शिक्षण मंडळाने फेब्रुवारी-मार्च २०२५ मध्ये घेतलेल्या बारावी परीक्षेत या महाविद्यालयाच्या विद्यार्थ्यांनी घवघवीत यश संपादन केले. वाणिज्य शाखेत कु. शिगवण आशिका सुरेंद्र हिने ७६.५०% गुणांसह प्रथम क्रमांक पटकावला. कु. जाधव देवेंद्र मिलिंद – ७३.००% (द्वितीय) आणि कु. जोशी पुनीत प्रविण – ७०.३३% (तृतीय) क्रमांकावर राहिले.
कला शाखेत कु. हरचिलकर आर्या विलास – ६६.००% (प्रथम), कु. पवार रिया राजेंद्र – ६३.५०% (द्वितीय) आणि कु. पवार करुणा सुरेश – ६०.००% (तृतीय) क्रमांक मिळवले.
या घवघवीत यशानंतर शंभर टक्के निकालाची परंपरा यावर्षीही कायम राहिली आहे. या यशाबद्दल पाटपन्हाळे एज्युकेशन सोसायटी, तळवली गटविकास मंडळ व शाळा व्यवस्थापन समितीच्या पदाधिकाऱ्यांनी सर्व विद्यार्थी, मार्गदर्शक शिक्षक व मुख्याध्यापक श्री. एम.ए. थरकार यांचे विशेष अभिनंदन केले आहे. ग्रामीण भागातील विद्यार्थ्यांनी मिळवलेले हे यश प्रेरणादायी ठरले आहे.
हॅशटॅग्स:
#तळवली #गुहागर #रत्नागिरीन्यूज #बारावीनिकाल२०२५ #१००%निकाल #ग्रामीणविद्यार्थी #शैक्षणिकयश #TalavaliNews #HSCResult2025
फोटो
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
