भीक मागून प्रशासनाला जागवण्याचा प्रयत्न! सरपंचाचा अनोखा आंदोलनप्रकार चर्चेत
गेवराई पायगावचे सरपंच मंगेश साबळे यांनी योजनांच्या निधीसाठी अधिकाऱ्यांच्या नावाने भिक्षा मागत फुलंब्री पंचायत समितीसमोर अनोख्या पद्धतीने आंदोलन छेडले
निलेश रहाटे:
फुलंब्री (जि. औरंगाबाद) – शेतकऱ्यांना अद्याप योजनांचे पैसे मिळत नसल्याच्या निषेधार्थ गेवराई पायगावचे सरपंच मंगेश साबळे यांनी ‘भीक मागो’ आंदोलन छेडून प्रशासनाच्या कार्यपद्धतीवर तीव्र टीका केली आहे. फुलंब्री पंचायत समिती कार्यालयासमोर आज सकाळी ११ वाजता भिक्षेकऱ्याच्या वेषात, हातात भिक्षा पात्र घेऊन त्यांनी हे आंदोलन केले.
साबळे यांनी वैयक्तिक सिंचन विहीर, गाय गोठा, घरकुल यांसारख्या योजनांचे अनुदान गेल्या सहा महिन्यांपासून थकवण्यात आले असून, त्यामुळे लाभार्थी अडचणीत असल्याचे सांगितले. त्यांनी मिळालेली भीक संबंधित अधिकाऱ्यांच्या नावाने सुपूर्द सुद्धा केली.
विशेष म्हणजे, फाटलेले कपडे घालून, पाठीवर तुटलेली खुर्ची बांधून आणि भिक्षा पात्र घेऊन फिरताना अनेकांनी त्यांना खरेच भिकारी समजून पैसे दिले.
याचवेळी बालविकास प्रकल्प अधिकारी मनीषा कदम यांनी अंगणवाडी मदतनीसांची भरती पैशांच्या मोबदल्यात केली, असा गंभीर आरोपही त्यांनी केला.
सरपंच साबळे यांचे हे आंदोलन परिसरात चर्चेचा विषय ठरले असून, त्यांच्या या हटके आंदोलनामुळे प्रशासनाचे लक्ष या गंभीर प्रश्नांकडे वेधले जाईल का, याकडे सर्वांचे लक्ष लागले आहे.
#हॅशटॅग्स:
#भीकमागोआंदोलन #सरपंचमंगेशसाबळे #फुलंब्री #योजनानिधी #औरंगाबादबातम्या #शेतकरीआंदोलन #MarathiNews
फोटोसाठी
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
