दुर्मीळ कोकण दीपकाडीच्या संवर्धनासाठी विशेष मोहीम सुरू
मोहिमेला महाराष्ट्राचे राज्यमंत्री योगेश कदम यांनी पाठिंबा दर्शविला आहे.
दापोली परिसरातील दुर्मीळ कोकण दीपकाडी (Dipcadi) या वनस्पतीच्या संवर्धनासाठी एक महत्त्वपूर्ण उपक्रम हाती घेतला गेला आहे. गेल्या दहा वर्षांच्या अथक प्रयत्नांनंतर फुललेल्या या वनस्पतीच्या पुनरुत्पादन व संरक्षणासाठी सुरू असलेल्या मोहिमेला महाराष्ट्राचे राज्यमंत्री योगेश कदम यांनी पाठिंबा दर्शविला आहे.
कोकणात केवळ २५ ठिकाणी आढळणारी ही वनस्पती वाढत्या मानवी हस्तक्षेपामुळे संकटात आली आहे. विशेषतः कातळी सड्यांचे संवर्धन करण्याची आवश्यकता अधोरेखित करत, ‘Wild Animal Rescue and Research’ संस्था आणि वनस्पतीशास्त्रज्ञ डॉ. अमित मिरगळ यांनी “Dipcadi: From Extinction to Expansion” या मोहिमेचा आराखडा तयार केला आहे.
या उपक्रमाअंतर्गत दापोलीतील कातळी सड्यांवर वनस्पतीचे पुनर्स्थापन करून पुनरुत्पादनास चालना दिली जाईल. लोकसहभाग महत्त्वाचा असल्यामुळे जनजागृती कार्यक्रम राबवले जाणार असून, काही स्थानिकांनी आधीच जागा उपलब्ध करून देण्याची तयारी दर्शवली आहे. इतरांनीही पुढे येऊन सहकार्य करावे, असे आवाहन करण्यात आले आहे.
दापोली वनविभागाचे वनपरिक्षेत्र अधिकारी प्रकाश पाटील यांनी या उपक्रमाला सर्वतोपरी सहकार्य करण्याचे आश्वासन दिले. “लोकसहभागाशिवाय जैवविविधतेचे संवर्धन शक्य नाही,” अशी भावना त्यांनी व्यक्त केली.
अधिक माहितीसाठी संपर्क साधा:
डॉ. अमित मिरगळ: ९५४५५ ५५२३४
मिलिंद गोरीवले: ९७६४४५४४५४
तुषार महाडिक: ७४९९०६८८१०
मनीत बाईत: ९१९०७५२२६८८३
सतीश दिवेकर: ९३०७६७४६३२
—
????
Author: Prachi Sutar
Prachi Sutar - Ratnagiri. *Digital media creators* Office clark.PR.
