मुंबईत भंडारी समाजातील विद्यार्थ्यांचा गुणगौरव सोहळा!
कित्ते भंडारी ऐक्यवर्धक मंडळींकडून वार्षिक सत्कार सोहळ्याच आयोजन
मुंबई: कित्ते भंडारी ऐक्यवर्धक मंडळी, मुंबई लवकरच आपल्या वार्षिक विद्यार्थी गुणगौरव समारंभाचे आयोजन करणार आहे. मुंबई विभागातील भंडारी समाजातील विद्यार्थ्यांच्या शैक्षणिक उत्कृष्टतेचा गौरव करणे हा या सोहळ्याचा उद्देश आहे. २०२४-२०२५ या शैक्षणिक वर्षातील गुणवंत विद्यार्थ्यांचे कौतुक आणि त्यांना प्रोत्साहन देण्यासाठी हा कार्यक्रम दरवर्षीप्रमाणे याही वर्षी आयोजित करण्यात येत आहे.
पात्रता निकष आणि अर्ज तपशील
ज्या भंडारी समाजातील विद्यार्थ्यांनी परीक्षांमध्ये चांगले गुण मिळवले आहेत, ते या सोहळ्यासाठी अर्ज करू शकतात. खालीलप्रमाणे गुण मिळवलेले विद्यार्थी पात्र असतील:
- दहावी: ७०% किंवा अधिक
- बारावी: ६५% किंवा अधिक
- पदवी, पदविका आणि उच्च शिक्षण: ६०% किंवा अधिक
विशेष सूचना: अंध आणि अपंग विद्यार्थ्यांना टक्केवारीची अट लागू नाही.
इच्छुक विद्यार्थ्यांनी विहित नमुन्यातील अर्ज भरून जमा करणे आवश्यक आहे. गुणगौरव प्राप्त विद्यार्थ्यांची समारंभास उपस्थिती बंधनकारक आहे.
महत्त्वाच्या तारखा आणि स्थळ
अर्ज स्वीकारण्याची अंतिम तारीख शनिवार, ५ जुलै २०२५, सकाळी ११:३० ते सायंकाळी ७:०० पर्यंत आहे.
अर्ज खालील ठिकाणी स्वीकारले जातील: कित्ते भंडारी सभागृह, शिवसेना भवनाजवळ, गोखले रोड (उत्तर), दादर, मुंबई – ४०००२८.
अर्जासोबत आवश्यक कागदपत्रे
अर्जासोबत खालील कागदपत्रांच्या स्वसाक्षांकित प्रती जोडणे आवश्यक आहे:
- शैक्षणिक वर्ष २०२४-२०२५ च्या मूळ गुणपत्रिकेची प्रत.
- भंडारी जातीचा उल्लेख असलेल्या खालीलपैकी एका कागदपत्राची प्रत:
- वडिलांचा किंवा विद्यार्थ्याचा भंडारी जातीचा दाखला.
- वडिलांचा किंवा विद्यार्थ्याचा शाळा सोडल्याचा दाखला, ज्यावर भंडारी ज्ञातीची नोंद असणे आवश्यक आहे.
- भंडारी मंडळाने दिलेले जात प्रमाणपत्र.
अधिक माहितीसाठी संपर्क साधा
अधिक माहितीसाठी किंवा मदतीसाठी कृपया संपर्क साधा:
- श्री. अरविंद रामकृष्ण सुर्वे (सचिव): ९८७०९०१२१८
- श्री. सूर्यकांत कृष्णा बिर्जे (कार्याध्यक्ष): ७०३९०६२७३१
- श्री. संतोष बाबुराव मांजरेकर (निमंत्रक, विद्यार्थी गुणगौरव समिती): ८३५५९४७३११
कित्ते भंडारी ऐक्यवर्धक मंडळी सर्व पात्र विद्यार्थ्यांना या संधीचा लाभ घेण्याचे आणि त्यांच्या शैक्षणिक समर्पणासाठी सन्मानित होण्याचे आवाहन कर
Author: Prachi Sutar
Prachi Sutar - Ratnagiri. *Digital media creators* Office clark.PR.
