🛑 रत्नागिरी : नरबे फाटा येथे ट्रक-टेम्पो भीषण अपघात; एकाचा मृत्यू, दोघे गंभीर जखमी
मासळी घेऊन मिरकरवाडा जेटीकडे निघालेल्या टेम्पोला समोरून ट्रकची धडक; मृत मुज्झफिर जांभारकर याच्या निधनाने पडवे गावात शोककळा
रत्नागिरी | नरबे फाटा परिसरात मंगळवारी (दि. १५ जुलै) सकाळी साडेसहा वाजण्याच्या सुमारास टेम्पो आणि ट्रक यांच्यात समोरासमोर भीषण अपघात झाला. या अपघातात टेम्पोमधील तिघेजण गंभीर जखमी झाले असून, त्यापैकी मुझ्जफिर अमजद जांभारकर (वय २५, रा. पडवे, ता. गुहागर) याचा उपचारादरम्यान मृत्यू झाला आहे.
जखमींमध्ये फिरदोस न्यामत खले (४०) आणि अमजत आलेमिया जांभारकर (५०) यांचा समावेश असून, त्यांच्यावर रत्नागिरी येथील रुग्णालयात उपचार सुरू आहेत.
अपघाताबाबत मिळालेल्या माहितीनुसार, फिरदोस खले व त्यांचे सहकारी मासळी घेऊन गुहागर-पडवे येथून मिरकरवाडा जेटीकडे टेम्पो (MH-08-W-4703) ने निघाले होते. पहाटे ४.३० च्या सुमारास त्यांनी प्रवास सुरू केला. मात्र, नरबे फाट्याजवळ तरवळ-घवाळीवाडी स्टॉपच्या काही अंतरावर समोरून भरधाव वेगात आलेल्या ट्रकने (MH-09-GJ-4347) त्यांच्या टेम्पोला जोरदार धडक दिली.
जोरदार धडकेने टेम्पोचे नुकसान.
या अपघातात टेम्पोचे मोठे नुकसान झाले असून, घटनास्थळी काही काळ वाहतूक विस्कळीत झाली. ग्रामीण पोलिसांनी तातडीने धाव घेत वाहतूक सुरळीत केली.
या प्रकरणी रत्नागिरी ग्रामीण पोलिस ठाण्यात फिर्याद दाखल केली असून, ट्रकचालकाविरोधात बेदरकारपणाने वाहन चालवण्याचा गुन्हा दाखल करण्याची प्रक्रिया सुरू आहे.
मुझ्जफिर जांभारकर याच्या निधनाने पडवे मुस्लिम मोहल्यावर शोककळा पसरली आहे.
📸 फो🔖 हॅशटॅग्स:
#रत्नागिरीअपघात #नरबेफाटा #ट्रकटेम्पोअपघात #मासळीवाहतूक #गुहागरपडवे #RatnagiriNews #AccidentNews #BreakingMarathi #RatnagiriUpdates #मृत्यू #वाहनधडक
—
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
