✅ ही बातमी
💥 गणेशोत्सवात महाराष्ट्रात गुंतवणुकीचा वर्षाव!
१७ MoU वर स्वाक्षऱ्या; तब्बल ३३ हजार रोजगारनिर्मितीची घोषणा
मुंबई – श्री गणेशोत्सवाच्या शुभमुहूर्तावर महाराष्ट्रात मोठ्या प्रमाणात गुंतवणूक होत आहे. राज्याचे मुख्यमंत्री देवेंद्र फडणवीस यांच्या प्रमुख उपस्थितीत आज तब्बल १७ सामंजस्य करारांवर (MoU) स्वाक्षऱ्या करण्यात आल्या. या करारांची एकूण किंमत ३३,७६८.८९ कोटी रुपये असून, त्यातून राज्यात तब्बल ३३,४८३ रोजगारनिर्मिती होणार असल्याची माहिती मुख्यमंत्री फडणवीस यांनी दिली.
या गुंतवणुकीत इलेक्ट्रॉनिक्स, पोलाद, सोलार, इलेक्ट्रिक बसेस व ट्रक्स, संरक्षण आणि त्यासंबंधित विविध क्षेत्रांचा समावेश आहे. त्यामुळे उत्तर महाराष्ट्र, पुणे, विदर्भ, कोकण अशा सर्व भागांमध्ये उद्योग उभारणीची मोठी संधी उपलब्ध होणार आहे.
मुख्यमंत्री फडणवीस म्हणाले, “गुंतवणूकदारांना महाराष्ट्रात सहज आणि सुरळीत अनुभव मिळावा यासाठी सरकार वचनबद्ध आहे. फक्त करार स्वाक्षरीत करून आम्ही थांबणार नाही, तर गुंतवणुकीच्या प्रत्येक टप्प्यावर राज्य शासन भागीदार म्हणून सोबत राहील. अडथळे येऊ दिले जाणार नाहीत.”
यावेळी त्यांनी मैत्री पोर्टल (Maitri Portal) या वन-स्टॉप संकल्पनेचा विशेष उल्लेख केला. उद्योगांसाठी जमीन, परवानग्या व मंजुरी तातडीने मिळवून देण्याबाबत शासन कटिबद्ध असल्याचे त्यांनी सांगितले.
🔋 ऊर्जाविषयक निर्णयांबाबत फडणवीस म्हणाले की, “राज्यात नुकताच ५ वर्षांचा मल्टी-इयर टॅरिफ मंजूर झाला असून, विजेचे दर वर्षागणिक कमी होणार आहेत. पूर्वी दरवर्षी वीजदर ९ टक्क्यांनी वाढत होते, पण आता उलट उद्योगांना दिलासा मिळणार आहे.”
उद्योग क्षेत्रातील गुंतवणुकीचा Investment Life Cycle राज्य सरकारने स्थिर आणि अंदाजपत्रित ठेवण्याचे धोरण स्वीकारले असून, यामुळे गुंतवणूकदारांचा विश्वास वृद्धिंगत होईल, असा विश्वासही मुख्यमंत्री फडणवीस यांनी व्यक्त केला.
या MoU करार सोहळ्यात उद्योग मंत्री उदय सामंत, मुख्य सचिव राजेश कुमार, उद्योग सचिव डॉ. पी. अन्बळगन, उपमुख्यमंत्र्यांचे प्रधान सचिव नवीनकुमार सोना, एमआयडीसीचे मुख्य कार्यकारी अधिकारी पी. वेलारासू, विकास आयुक्त दीपेंद्रसिंह कुशवाह तसेच विविध कंपन्यांचे प्रतिनिधी उपस्थित होते.
📌 हॅशटॅग्स:
#MaharashtraInvestment #Ganeshotsav2025 #DevendraFadnavis #UdaySamant #MIDC #MaharashtraGrowth
📸 फोटो
Author: Prachi Sutar
Prachi Sutar - Ratnagiri. *Digital media creators* Office clark.PR.
