💥💥 ब्रेकींग न्यूज
🟣 राजापूरात २.३६ कोटींचा अवैध दारूसाठा जप्त; गोवा-मुंबई मार्गावरील मोठी कारवाई
राजापूर – गोवा राज्यातून मुंबईच्या दिशेने होणाऱ्या अवैध मद्य तस्करीवर राज्य उत्पादन शुल्क विभागाने मोठा प्रहार केला आहे. राजापूर तालुक्यातील पन्हाळे तर्फे सौंदळ येथे भरारी पथकाने १ सप्टेंबर रोजी सापळा रचून धडक कारवाई केली. या कारवाईत गोवा बनावटीचा तब्बल २ कोटी ३६ लाख रुपयांचा मद्यसाठा आणि कंटेनर ट्रक जप्त करण्यात आला आहे.
गुप्त माहितीच्या आधारे उत्पादन शुल्क विभागाने मुंबई-गोवा महामार्गावर पाळत ठेवून दहाचाकी कंटेनर ट्रक (RJ 14 GK 9464) अडवला. तपासणीदरम्यान १८६६ बॉक्स विदेशी दारू आढळून आली. एकूण जप्त मुद्देमालाची किंमत ₹२,३६,७२,२८० एवढी आहे. या प्रकरणी चालक आसिफ आस मोहम्मद याच्यावर महाराष्ट्र दारूबंदी कायदा १९४९ अंतर्गत गुन्हा दाखल करण्यात आला आहे.
ही कारवाई आयुक्त राजेश देशमुख यांच्या आदेशानुसार व सहआयुक्त प्रसाद सुर्वे यांच्या मार्गदर्शनाखाली पार पडली. यात निरीक्षक रियाज खान, विजयकुमार थोरात, दु.नि. एस.आर.गायकवाड, एस.एस.गोंदकर, जवान अमोल चौगुले, चंदन पंडीत, निलेश तुपे आणि चालक मलिक धोत्रे यांनी सहभाग घेतला. पुढील तपास एस.आर.गायकवाड करीत आहेत.
या प्रकरणात आंतरराज्यीय टोळीचा सहभाग असण्याची शक्यता व्यक्त करण्यात येत असून तपासात आणखी महत्त्वाचे धागेदोरे समोर येण्याची अपेक्षा आहे. अवैध दारूविक्री किंवा वाहतुकीबाबत नागरिकांना टोल फ्री क्रमांक 1800 833 3333 वर तक्रार करण्याचे आवाहन करण्यात आले आहे.
📌 हॅशटॅग्स
#राजापूर #LiquorSmuggling #ExciseDept #Ratnagiri #IllegalLiquor #PoliceAction #गोवा #MumbaiGoaHighway #दारूबंदी #BreakingNe
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
