📰 ओबीसीच्या मुद्द्यावरून भाजपचा राष्ट्रवादीला शह!
मंत्रिमंडळ उपसमितीच्या अध्यक्ष पदावरून भुजबळांची उचलबांगडी
मुंबई : आरक्षणाचा प्रश्न ऐरणीवर असताना महायुती सरकारने ओबीसी समाजाला खूष करण्यासाठी नव्याने मंत्रिमंडळ उपसमिती स्थापन केली आहे. पण महाविकास आघाडी सरकारच्या काळातच (ऑक्टोबर 2020) अशाच प्रकारची उपसमिती नेमण्यात आली होती. मात्र, आता या समितीच्या अध्यक्षपदी भाजप नेते चंद्रशेखर बावनकुळे यांची वर्णी लावून राष्ट्रवादी काँग्रेसचे ज्येष्ठ नेते छगन भुजबळ यांची उचलबांगडी केल्याने राजकीय वर्तुळात खळबळ उडाली आहे.
🔹 महायुतीत श्रेयवादाची लढाई
ओबीसींच्या प्रश्नावर भाजपने पुढाकार घेतल्याने महायुतीत श्रेयवादाची लढाई पेटल्याची चर्चा आहे. राष्ट्रवादी काँग्रेसकडे असलेले ओबीसी प्रश्नांचे नेतृत्व आता भाजपकडे वळवण्याचा हा डाव असल्याचे राजकीय विश्लेषकांचे म्हणणे आहे.
🔹 छगन भुजबळांचे खच्चीकरण
छगन भुजबळ हे ओबीसी नेते म्हणून ओळखले जातात. मात्र, समितीचे अध्यक्षपद भाजपकडे सोपवून त्यांची केवळ सदस्यपदी नियुक्ती करण्यात आल्याने त्यांच्या राजकीय वजनाला धक्का बसल्याचे मानले जात आहे.
🔹 ओबीसींसाठी एकही बैठक नाही
महाविकास आघाडी सरकार गेल्यावरही ओबीसींसाठी स्थापन झालेली उपसमिती अस्तित्वात होती. मात्र, एकनाथ शिंदे आणि देवेंद्र फडणवीस यांच्या कार्यकाळात समितीची एकही बैठक झाली नसल्याचे सूत्रांकडून समजते. त्यामुळे ही उपसमिती केवळ राजकीय डावपेचापुरती असल्याची टीका केली जात आहे.
📌 हॅशटॅग्स
#OBCRajkaran #ChhaganBhujbal #ChandrashekharBawankule #Mahayuti #NCP #BJP #MaharashtraPolitics #ReservationIssue
📷
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
