महाराष्ट्राचे राज्यपाल सी. पी. राधाकृष्णन देशाचे नवे उपराष्ट्रपती!
विरोधी आघाडीच्या उमेदवार डी. सुदर्शन रेड्डी यांचा पराभव; 452 मतांनी विजय
नवी दिल्ली :
देशाचे नवे उपराष्ट्रपती म्हणून महाराष्ट्राचे राज्यपाल सी. पी. राधाकृष्णन यांची आज (९ सप्टेंबर) निवड झाली आहे. विद्यमान उपराष्ट्रपती जगदीप धनकड यांनी नुकताच राजीनामा दिल्याने या पदासाठी झालेल्या निवडणुकीकडे देशाचे लक्ष लागले होते.
मतमोजणीत राधाकृष्णन यांना 452 मते मिळाली तर विरोधी आघाडीचे उमेदवार डी. सुदर्शन रेड्डी यांना 300 मते मिळाली. यावेळी 13 खासदारांनी मतदान केले नव्हते, अशी माहिती समोर आली आहे.
या निवडणुकीसाठी लोकसभा आणि राज्यसभेतील मिळून 788 खासदार मतदानासाठी पात्र होते. मात्र सात जागा रिक्त असल्याने 781 मते अपेक्षित होती. त्यापैकी 13 मते नोंदली गेली नसल्याने अंतिम मतमोजणीवर त्याचा परिणाम दिसून आला.
मतदान आज सकाळी संपन्न झाल्यानंतर दुपारी लगेचच मतमोजणी पूर्ण करून निकाल जाहीर करण्यात आला. पंतप्रधान नरेंद्र मोदी यांच्यासह अनेक प्रमुख राजकीय नेत्यांनी राधाकृष्णन यांचे उपराष्ट्रपतीपदी निवड झाल्याबद्दल अभिनंदन केले.
#हॅशटॅग्स :
#VicePresidentElection #CPRadhakrishnan #MaharashtraGovernor #IndiaPolitics #Parliament
📸 फोटो
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
