चरस तस्करी प्रकरणी दापोलीतील तरुण ठाणे पोलिसांच्या जाळ्यात१

किलोहून अधिक चरससह १ कोटींचा मुद्देमाल जप्त; आंतरराष्ट्रीय रॅकेटची शक्यता

दापोली : तालुक्यातील मसुद बदुद्दीन ऐनरकर (वय २९, रा. अपनानगर, खोंडा-दापोली) या तरुणाला चरस तस्करीप्रकरणी ठाणे पोलिसांच्या अंमली पदार्थविरोधी पथकाने अटक केली आहे. पोलिसांनी त्याच्याकडून १ किलो १०६ ग्रॅम चरस आणि इतर साहित्य असा एकूण १ कोटी १० लाख ८० हजार ४२० रुपयांचा मुद्देमाल जप्त केला आहे.

ठाणे जिल्ह्यातील शिळफाटा परिसरात हावरे सिटीसमोरील सार्वजनिक रस्त्यावर पोलिसांनी सापळा रचून ही कारवाई केली. पोलिस हवालदार अमोल देसाई यांना मिळालेल्या गुप्त माहितीच्या आधारे ही कारवाई करण्यात आली. मसुद रत्नागिरीहून ठाण्याकडे चरस घेऊन जात असताना पोलिसांच्या जाळ्यात अडकला. तपासात त्याच्याकडे विक्रीसाठी ठेवलेला चरस आढळला.

या प्रकरणामागे आंतरराष्ट्रीय अंमली पदार्थ तस्करीच्या रॅकेटचा धागा असल्याची शक्यता पोलिसांनी व्यक्त केली आहे. मसुदने हा चरस कोणाकडून घेतला आणि कोणाला विक्रीसाठी देणार होता, याचा तपास सुरू आहे.

या प्रकरणी शिळ-डायघर पोलीस ठाण्यात गुन्हा दाखल करण्यात आला आहे. संशयित मसुद ऐनरकर याला ठाणे सत्र न्यायालयात हजर करण्यात आले असता न्यायालयाने त्याला २३ सप्टेंबरपर्यंत पोलीस कोठडी सुनावली आहे. सहाय्यक पोलीस निरीक्षक सोमनाथ कर्णवर-पाटील यांच्या नेतृत्वाखाली ठाणे गुन्हे शाखेचे अंमली पदार्थविरोधी पथक तपास करत असून या तपासातून आंतरराष्ट्रीय रॅकेटशी संबंधित महत्त्वपूर्ण माहिती समोर येण्याची शक्यता आहे.

—

चरस तस्करी दापोली, ठाणे पोलिस कारवाई, ड्रग्स रॅकेट महाराष्ट्र, मसुद ऐनरकर अटक, अंमली पदार्थविरोधी पथक, रत्नागिरी गुन्हे

✅ हॅशटॅग्स:

#दापोली #रत्नागिरी #ठाणे #चरसतस्करी #DrugsFreeIndia #PoliceAction #CrimeNews

—

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग