🏏 इंग्लंडमधील कौंटी स्पर्धेत रत्नागिरीचा अविराज गावडे चमकला; पालकमंत्री उदय सामंत यांच्याकडून गौरव
सहा वेळा मॅन ऑफ द मॅच किताब, बेस्ट बॉलर पुरस्कार; उदय सामंत म्हणाले – “अशा टॅलेंटेड क्रिकेटपटूच्या पाठीशी सदैव उभे राहू”
रत्नागिरी :
रत्नागिरीचा युवा क्रिकेटपटू अविराज अनिल गावडे याने इंग्लंडमधील कौंटी स्पर्धेत केलेल्या झंझावाती कामगिरीचे रत्नागिरीचे पालकमंत्री तथा राज्याचे उद्योग व भाषा मंत्री ना. उदय सामंत यांनी विशेष कौतुक केले आहे.
ना. सामंत यांनी अविराजला शुभेच्छा देताना “अशा टॅलेंटेड क्रिकेटपटूच्या पाठीशी आपण सदैव उभे राहू; तसेच महाराष्ट्रातील क्रिकेटमध्ये अविराजचा सहभाग होण्यासाठी प्रयत्न करू” अशी ग्वाही दिली.
इंग्लंडमधील कौंटी स्पर्धेत अविराज गावडेने शानदार कामगिरी करत शेवटच्या सामन्यात नाबाद शतक झळकावले. संपूर्ण स्पर्धेत त्याने तब्बल सहा वेळा मॅन ऑफ द मॅच मिळवला तसेच मिडलसेक्स कंट्री लीगचा बेस्ट बॉलर पुरस्कार पटकावला.
कौंटी स्पर्धा आटोपून भारतात परतल्यावर रत्नागिरीत अविराज गावडे याचे भव्य स्वागत करण्यात आले. त्यानंतर त्याने आज पालकमंत्री उदय सामंत यांची भेट घेतली. यावेळी रत्नागिरीचे माजी नगराध्यक्ष बंड्या साळवी, बाबू म्हाप आदी मान्यवर उपस्थित होते.
🏷️ हॅशटॅग्स
#Ratnagiri #AviraajGawade #UdaySamant #CountyCricket #MaharashtraCricket #CricketNews #RatnagiriVartahar
Author: Ratnagiri Vartahar
⭕ मुख्य संपादक - सुजेंद्र सुर्वे , रत्नागिरी वार्ताहर *डिजीटल मिडिया बातमी पत्र* ◀️ Digital Media Creator's ▶️
