📰 कोकणाचा अभिमान! राज्यातील पाच किनाऱ्यांना ‘ब्लू फ्लॅग मानांकन’; श्रीवर्धन, नागाव, गुहागर आणि लाडघर किनाऱ्यांचा समावेश
🌊 जागतिक दर्जाचे स्वच्छ आणि पर्यावरणपूरक समुद्रकिनारे म्हणून मान्यता
गुहागर (प्रतिनिधी) :
राज्यातील पाच समुद्रकिनाऱ्यांना आंतरराष्ट्रीय दर्जाचे ‘ब्लू फ्लॅग मानांकन’ प्रमाणपत्र प्राप्त झाले असून, या यादीत रायगड जिल्ह्यातील श्रीवर्धन आणि नागाव, तर रत्नागिरी जिल्ह्यातील गुहागर आणि लाडघर तसेच पालघर जिल्ह्यातील पर्णका बीच या किनाऱ्यांचा समावेश आहे. या यशाबद्दल राज्याच्या महिला व बालविकास मंत्री अदिती तटकरे यांनी माहिती दिली.
हे मानांकन डेन्मार्क येथील ‘फाऊंडेशन फॉर एन्व्हायरन्मेंटल एज्युकेशन’ या संस्थेमार्फत दिले जाते. जागतिक पातळीवर स्वच्छ, सुंदर, सुरक्षित आणि पर्यावरणपूरक समुद्रकिनाऱ्यांना हे प्रमाणपत्र बहाल केले जाते.
या दर्जासाठी समुद्रकिनाऱ्यांचे ३३ निकषांवर मूल्यमापन केले जाते, ज्यात पर्यावरण शिक्षण, जल गुणवत्ता, सुरक्षा, पर्यावरण व्यवस्थापन आणि सेवा सुविधा या घटकांचा समावेश असतो. ऑगस्ट आणि सप्टेंबर महिन्यात या किनाऱ्यांची पडताळणी करण्यात आली होती, त्यानंतरच या पाच किनाऱ्यांना ‘ब्लू फ्लॅग’चा मान मिळाला आहे.
पूर्वी देशातील १३ समुद्रकिनाऱ्यांना हे मानांकन प्राप्त झाले होते, मात्र त्यात महाराष्ट्रातील एकाही किनाऱ्याचा समावेश नव्हता. त्यामुळे कोकणातील किनाऱ्यांना मिळालेल्या या आंतरराष्ट्रीय मानांकनामुळे राज्याचा आणि विशेषतः कोकणाचा अभिमान वाढला आहे.
🏷️ हॅशटॅग्स:
#ब्लूफ्लॅग #कोकण #गुहागर #लाडघर #श्रीवर्धन #नागाव #पर्णका #रत्नागिरी #रायगड #पालघर #पर्यावरणपूरककिनारे #महाराष्ट्रकिनारे #KonkanBeaches #BlueFlagIndia
🔗
blue-flag-konkan-beaches-srivardhan-nagav-guhagar-ladghar-parnka
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
