📰 चिपळूण नगर परिषद निवडणुकीच्या पार्श्वभूमीवर शहर राष्ट्रवादी काँग्रेसची बैठक; स्वबळावर लढण्याची कार्यकर्त्यांची तयारी!
महायुती झाली नाही तरी पक्ष स्वतंत्रपणे निवडणुकीस सज्ज — आमदार शेखर निकम
चिपळूण (प्रतिनिधी):
चिपळूण नगर परिषद निवडणुकीच्या पार्श्वभूमीवर राष्ट्रवादी काँग्रेस पक्षाची कार्यकर्त्यांची महत्त्वपूर्ण बैठक आमदार शेखरजी निकम यांच्या उपस्थितीत उत्साहपूर्ण वातावरणात पार पडली. या बैठकीत कार्यकर्त्यांनी स्पष्ट मत नोंदवले की, महायुतीबाबतचा निर्णय पक्षाच्या वरिष्ठ नेत्यांनी घ्यावा; मात्र युती न झाल्यास पक्ष स्वबळावर लढण्यास पूर्ण तयार आहे.
बैठकीदरम्यान आमदार शेखर निकम म्हणाले, “इच्छुक उमेदवारांचे अर्ज पक्षाकडे मागवले जाणार असून यासाठी एक पार्लमेंटरी बोर्ड स्थापन करण्यात येईल. या बोर्डाचे प्रमुख प्रांतिक उपाध्यक्ष शौकत मुकादम असतील. नगर परिषदेच्या विकासकामांचा विचार केला तर परिषद ताब्यात घेण्यात पक्षाला कोणतीही अडचण येणार नाही.”
बैठकीच्या सुरुवातीला बँकेचे चेअरमन संजयशेठ रेडीज आणि इतर दिवंगत व्यक्तींना श्रद्धांजली अर्पण करण्यात आली. तसेच सर्वोच्च न्यायालयाचे सरन्यायाधीश भूषण गवई यांच्यावर झालेल्या हल्ल्याचा निषेधही एकमताने पारित करण्यात आला.
यानंतर मार्गदर्शन करताना आमदार निकम यांनी सांगितले की, “बॅनर लावून पक्ष मोठा होत नाही; घराघरांत संपर्क साधल्यानेच जनतेचा विश्वास जिंकता येतो.”
तर प्रांतिक उपाध्यक्ष शौकत मुकादम यांनी कार्यकर्त्यांना प्रेरणा देत सांगितले की, “मरगळ झटकून पेटून उठावे, कार्यकर्त्यांचा उत्साह पाहता पक्ष नक्कीच विजय मिळवेल.”
तालुकाध्यक्ष नितीन ठसाळे यांनी नमूद केले की, “या निवडणुका कार्यकर्त्यांच्या आहेत. सर्वांनी एकजुटीने आणि झटून काम केल्यास नगरपरिषदेत राष्ट्रवादीचा झेंडा फडकवणे शक्य आहे.”
बैठकीत प्रांतिक सरचिटणीस जयद्रथ खताते, शहराध्यक्ष मिलिंद कापडी, कार्याध्यक्ष उदय ओतारी (सूत्रसंचालन), तसेच अनेक मान्यवर आणि मोठ्या संख्येने कार्यकर्ते उपस्थित होते.
चिपळूण नगर परिषदेतील १४ प्रभागांचा सविस्तर आढावा कार्यकर्त्यांकडून घेण्यात आला.
बैठकीस पूजा निकम, निलेश कदम, रियाना बिजले, जाकिरभाई शेकासन, रफिकभाई सुर्वे, सलीमभाई पालोजी, आदित्य देशपांडे, किशोर रेडीज, मनोज जाधव, सचिन पाटेकर, सचिन साळविलकर, शिवानी पवार, वर्षा जागुष्टे, फैरोजा मोडक, विनायक पवार, डॉ. राकेश चाळके, दिशाताई दाभोळकर, योगेश पवार, बिलाव पालकर, विशाल जाणवलकर, नसरिन खडस, संदीप चिपळूणकर, खालीद दाभोलकर, बरकत पाते, इम्रान खतीब, अनिकेत ल्हाद यादव, वैभव रेडीज यांच्यासह बहुसंख्य कार्यकर्ते उपस्थित होते.
—
🏷️ हॅशटॅग्स:
#चिपळूणनगरपरिषद #राष्ट्रवादीकाँग्रेस #शेखरनिकम #चिपळूणराजकारण #RatnagiriVartahar #KonkanPolitics #ChiplunNews
📸
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
