📰 “मा. रवींद्र चव्हाण, पालकमंत्री उदय सामंत व आमदार किरण सामंत देतील तोच आमचा उमेदवार” — माजी नगराध्यक्ष हनीफ काझी

राजापूर नगराध्यक्ष पदासाठी उमेदवारी चर्चेला उधाण; हनीफ काझी यांनी स्पष्ट केली ठाम भूमिका

राजापूर (प्रतिनिधी) :
राज्यात स्थानिक स्वराज्य संस्थांच्या निवडणुकांचे पडघम वाजू लागले असून राजापूर नगर परिषदेतील नगराध्यक्ष पदासाठी इच्छुकांची चाचपणी सुरू झाली आहे. यंदा हे पद सर्वसाधारण महिला उमेदवारासाठी राखीव असल्याने सर्व पक्षांमध्ये चर्चांना उधाण आले आहे.

दरम्यान, माजी नगराध्यक्ष हनिफ काझी यांच्या सुकन्या साजिया काझी यांच्या नावाची चर्चा सोशल मीडियासह विविध प्रसारमाध्यमांतून होत असल्याने या विषयावर त्यांनी आपली भूमिका स्पष्ट केली आहे स्थानिक वृत्तवाहिनी शी संवाद साधताना हनीफ काझी म्हणाले की,

> “कोणत्याही कार्यकर्त्याने इच्छुक असणे यात काही गैर नाही. मात्र मी शिवसेनेचा निष्ठावंत कार्यकर्ता असून गेल्या ३० वर्षांपासून सक्रिय राजकारणात आहे. आमचा पक्ष सध्या भारतीय जनता पक्ष व राष्ट्रवादी अजित पवार गटासोबत महायुतीत सत्तेत आहे. आम्ही नेहमीच पक्षाचा आदेश आणि युती धर्म पाळणारे कार्यकर्ते आहोत.”

पुढे ते म्हणाले,

> “भाजप प्रदेशाध्यक्ष मा. रवींद्र चव्हाण, पालकमंत्री उदय सामंत आणि आमदार किरण सामंत हे सर्वानुमते जो उमेदवार देतील, तोच आमचा उमेदवार असणार आहे. आम्ही त्यासाठी प्रामाणिकपणे काम करू. कोणत्याही अफवांवर कार्यकर्त्यांनी विश्वास ठेवू नये,” असे हनीफ काझी यांनी स्पष्ट केले.

—

🏷 हॅशटॅग्स:

#राजापूर #हनिफकाझी #नगराध्यक्षनिवडणूक #महायुती #भाजप #शिवसेना #उदयसामंत #रवींद्रचव्हाण #किरणसामंत #RatnagiriVartahar

—

—

Author: Purushottam Khambal

पुरुषोत्तम खंबल. ???? डिजिटल मिडिया प्रतिनिधि - राजापुर ???? धोपेश्वर, ता. राजापुर , जि.रत्नागिरी