📰 साटवली ग्रामपंचायत सरपंचपदाची निवडणूक ९ डिसेंबरला; ग्रामस्थांत उत्सुकता शिगेला
लांजा प्रतिनिधी – जितेंद्र चव्हाण
लांजा तालुक्यातील महत्त्वाच्या साटवली ग्रामपंचायतीमध्ये सरपंच पदाची निवडणूक आगामी ९ डिसेंबर २०२५ रोजी घेण्यात येणार असून, याबाबत विशेष सभेची अधिकृत नोटीस आठही सदस्यांना बजावण्यात आली आहे. मागील सरपंच इरम बरमारे यांना पदावरून अपात्र ठरविण्यात आल्याने हे पद रिक्त झाले होते. त्यानंतर जिल्हाधिकारी रत्नागिरी यांच्या आदेशानुसार पुढील निवडणुकीची प्रक्रिया सुरू करण्यात आली आहे.
🔹 अध्यासी अधिकाऱ्यांची नेमणूक
जिल्हाधिकारी रत्नागिरी यांनी आदेश क्रमांक जिकार/ग्रापनी/सरपंच/2025 दिनांक १८.११.२०२५ नुसार
श्री. अनिल गोसावी, निवासी नायब तहसीलदार लांजा, यांची साटवली ग्रामपंचायत सरपंच निवडणुकीसाठी अध्यासी अधिकारी म्हणून नियुक्ती केली आहे.
🔹 विशेष सभेचा कार्यक्रम (९ डिसेंबर २०२५)
📍 ठिकाण : ग्रामपंचायत साटवली
नामनिर्देशन पत्र दाखल – सकाळी १०.०० ते १२.००
छाननी – दुपारी १२.०० ते १.००
नामनिर्देशन मागे घेणे – दुपारी १.०० ते २.००
सरपंच निवडणूक सभा – दुपारी २.०० वाजता
🔹 साटवलीत वाढली उत्सुकता
मागील सरपंच इरम बरमारे यांच्या अपात्रतेनंतर आता साटवली ग्रामपंचायतीचा नवा नेता कोण ठरणार याकडे ग्रामस्थांसह संपूर्ण तालुक्याचे लक्ष लागले आहे.
लांजा तालुक्यातील महत्त्वाचे गाव म्हणून ओळखल्या जाणाऱ्या साटवलीत राजकीय हालचालींना वेग आला असून सरपंचाची माळ कोणाच्या गळ्यात पडणार, याबाबत तर्क-वितर्कांना ऊत आला आहे.
९ डिसेंबरच्या निकालाकडे साटवली ग्रामस्थांची उत्सुकता ताणली असून गावात चर्चांना उधाण आले आहे.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
