तळवली ज्युनिअर काॅलेजमध्ये खाद्य महोत्सव उत्साहात साजरा
तळवली (मंगेश जाधव)
पाटपन्हाळे एज्युकेशन सोसायटीचे न्यू इंग्लिश स्कूल व कनिष्ठ महाविद्यालय तळवली ता. गुहागर जि. रत्नागिरी या प्रशालेतील ज्युनिअर काॅलेजच्या विद्यार्थ्यांनी गुरुवार दि. 12/12/2025 रोजी प्रती वर्षा पमाणे याही वर्षी मोठ्या उत्हासात ‘खाद्य महोत्सव’ साजरा केला.
तळवली ज्युनिअर काॅलेजचे विद्यार्थी प्रत्येक वर्षी विविध डेज साजरे करतात.त्यामध्ये खाद्य महोत्सव हा एक विशेष कार्यक्रम आयोजित केला जातो. या खाद्य महोत्सवाच्या उदघाटन समारंभास पाटपन्हाळे एज्युकेशन सोसायटीच्या खजिनदार श्रीमती सुजाता चव्हाण मॅडम,सहसचिव श्री.महेश कोळवणकर शेठ,श्री.मनोज नायर शेठ, शाळा व्यवस्थापन समितीचे सदस्य श्री.प्रदीप चव्हाण साहेब, मुख्याध्यापक श्री.एम.ए.थरकार सर, प्रा. अमोल जड्याळ सर व इतर सर्व प्राध्यापक यांची उपस्थिती होती. या सर्व मान्यवरांच्या हस्ते खाद्य महोत्सवाच्या स्टाॅलचे उदघाटन करण्यात आले.तसेच संस्थेचे सचिव श्री.सुधाकर चव्हाण साहेब, सहसचिव श्री.मंगेश जोशी साहेब, खातु मसाले उद्योगाचे श्री.खातु साहेब यांनी खाद्य महोत्सवास भेट देऊन विद्यार्थ्यांचे कौतुक केले व त्यांना शुभेच्छा दिल्या.
*या खाद्य महोत्सवात विद्यार्थ्यांनी स्वत: बनवलेले पदार्थ विक्रीसाठी ठेवले होते.भेळ, शेव पुरी,कच्चे दाबेली, आळुवडी,कोथिंबीर वडी, चिकन पुरी,चिकन बिर्याणी, चिकन रोल,लाॅली पाॅप,वडा पाव, अंडा ब्रेड, लस्सी, आईस्क्रीम असे अनेक पदार्थ स्टाॅलवर विक्री साठी ठेवले होते.त्याला प्रशालेतील विद्यार्थ्यांनी उत्तम प्रतिसाद दिला. त्यामुळे स्टाॅलधारक विद्यार्थ्यांच्या चेहऱ्यावर हास्य उमटलेले दिसत होते. या माध्यमातून विद्यार्थ्यांना ब-याच गोष्टी शिकता आल्या. खाद्य महोत्सवात अकरावी व बारावीचे विद्यार्थी सहभागी झाले होते.त्यांना मार्गदर्शक प्रा.अमोल जड्याळ सर, प्रा.सौ.कांबळे मॅडम, प्रा.सौ.जड्याळ मॅडम, प्रा.कु.सावंत मॅडम यांचे मोलाचे मार्गदर्शक लाभले.तसेच श्री.गुरुनाथ कारेकर,श्री.अंकुश पिलवलकर यांचे मोलाचे सहकार्य लाभले.त्याबद्दल त्यांचे आभार व्यक्त केले.खाद्य महोत्सव यशस्वी केल्याबद्दल प्राचार्य श्री.एम.ए. थरकार सर यांनी सर्व विद्यार्थी व प्राध्यापकांचे हार्दिक अभिनंदन केले.*
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
