राजसाहेबांच्या रणरागिणीची विजयी सलामी! गुहागर नगरपंचायतीत मनसेची ताकद सिद्ध; कोमल दर्शन जांगळी नगरसेवकपदी विजयी
गुहागर नगरपंचायत निवडणुकीत महाराष्ट्र नवनिर्माण सेनेचा घवघवीत विजय; कार्यकर्त्यांमध्ये उत्साहाचे वातावरण
तळवली (मंगेश जाधव) :
महाराष्ट्र नवनिर्माण सेनेने स्थानिक स्वराज्य संस्थांच्या निवडणुकांमध्ये आपली राजकीय ताकद पुन्हा एकदा ठामपणे सिद्ध केली आहे. गुहागर नगरपंचायत निवडणुकीत मनसेच्या सौ. कोमल दर्शन जांगळी यांनी नगरसेवकपदावर दणदणीत विजय मिळवत मनसेला विजयी सलामी दिली आहे.
राज ठाकरे यांच्या नेतृत्वाखाली लढविण्यात आलेल्या या निवडणुकीत मनसेने संघटनशक्ती, जनसंपर्क आणि कार्यकर्त्यांच्या मेहनतीच्या जोरावर यश संपादन केले. सौ. कोमल जांगळी यांच्या विजयामुळे गुहागरमध्ये मनसेचा झेंडा अभिमानाने फडकताना दिसत असून, पक्ष कार्यकर्त्यांमध्ये उत्साहाचे वातावरण निर्माण झाले आहे.
हा विजय म्हणजे स्थानिक पातळीवरील जनतेचा मनसेवरील विश्वास आणि कार्यकर्त्यांच्या सातत्यपूर्ण परिश्रमांचे फलित असल्याची प्रतिक्रिया मनसे पदाधिकाऱ्यांकडून व्यक्त करण्यात येत आहे. विकास, पारदर्शकता आणि जनहिताच्या मुद्द्यांवर आधारित प्रचाराला मतदारांनी भरभरून प्रतिसाद दिल्याचे चित्र या निकालातून स्पष्ट झाले आहे.
या विजयानंतर मनसेच्या समस्त महाराष्ट्र सैनिकांकडून सौ. कोमल दर्शन जांगळी यांचे अभिनंदन करण्यात येत असून, त्यांच्या पुढील यशस्वी राजकीय वाटचालीस मनःपूर्वक शुभेच्छांचा वर्षाव होत आहे. आगामी राजकीय घडामोडींच्या दृष्टीने हा विजय मनसेसाठी अत्यंत महत्त्वाचा मानला जात आहे.
Author: Mangesh Jadhav
मंगेश जाधव - तळवली रत्नागिरी वार्ताहर - डिजिटल मिडिया प्रतिनिधी.
