शासकीय रेखाकला परीक्षेत तळवली हायस्कूलचे उज्ज्वल यश
तळवली | प्रतिनिधी : मंगेश जाधव
पाटपन्हाळे एज्युकेशन सोसायटीचे न्यू इंग्लिश स्कूल व कनिष्ठ महाविद्यालय, तळवली या प्रशालेने शासकीय रेखाकला एलिमेंटरी व इंटरमिजिएट परीक्षा २०२५ मध्ये शंभर टक्के निकालाची परंपरा कायम राखत उज्ज्वल यश संपादन केले आहे.
शासनामार्फत नुकताच जाहीर झालेल्या या निकालात प्रशालेतील विद्यार्थ्यांनी दोन्ही स्तरांवर घवघवीत कामगिरी केली असून त्यांच्या यशाबद्दल सर्वत्र अभिनंदन होत आहे.
एलिमेंटरी परीक्षा निकाल :
ए ग्रेड : १४ विद्यार्थी
बी ग्रेड : २६ विद्यार्थी
सी ग्रेड : २ विद्यार्थी
इंटरमिजिएट परीक्षा निकाल :
ए ग्रेड : १६ विद्यार्थी
बी ग्रेड : ८ विद्यार्थी
सी ग्रेड : १ विद्यार्थी
या दोन्ही परीक्षांचा निकाल शंभर टक्के लागला असून इंटरमिजिएट परीक्षेत उत्तीर्ण विद्यार्थ्यांना येणाऱ्या बोर्ड परीक्षेत वाढीव गुणांचा लाभ मिळणार आहे.
या यशामागे कला विषयाचे मार्गदर्शक शिक्षक श्री. श्रीनाथ कुळे सर यांचे मोलाचे मार्गदर्शन लाभले. यशस्वी विद्यार्थ्यांचा तसेच श्री. कुळे सर यांचा प्रशालेचे मुख्याध्यापक श्री. एम. ए. थरकार सर यांच्या हस्ते पुष्पगुच्छ देऊन सन्मान करण्यात आला.
यावेळी सर्व शिक्षक, शिक्षकेत्तर कर्मचारी व विद्यार्थ्यांनी यशस्वी विद्यार्थ्यांचे अभिनंदन करून त्यांच्या पुढील शैक्षणिक वाटचालीसाठी हार्दिक शुभेच्छा दिल्या.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
