‘निमखाऱ्या पाण्यातील मत्स्यशेती उद्योजकता विकास’ प्रशिक्षण कार्यक्रमाचे यशस्वी आयोजन
रत्नागिरी –
सागरी जीवशास्त्रीय संशोधन केंद्र, रत्नागिरी, आणि वनराई, पुणे व एचडीएफसी बँक परिवर्तन यांच्या संयुक्त विद्यमाने निमखाऱ्या पाण्यातील मत्स्य उद्योजकता विकास प्रशिक्षण कार्यक्रमाचे यशस्वी आयोजन करण्यात आले. या प्रशिक्षण कार्यक्रमामध्ये सिंधुदुर्ग जिल्ह्यातील २० प्रशिक्षणार्थी सहभागी झाले होते.
कार्यक्रमाचे उद्दघाटन दीप प्रज्वलन करून तसेच; राज्यगीत, कोंकण कृषी विद्यापीठ गीत आणि वंदे मातरम गायनाने करण्यात आले. उद्दघाटन प्रसंगी सौ. वर्षा सदावर्ते, जीवशास्त्रज्ञ यांनी कार्यक्रमाची प्रस्तावना सादर केली. कार्यक्रमाचे प्रमुख पाहुणे श्री. हृषीकेश भाटकर, जिल्हा समन्वयक, यु.एन.दि.पी. प्रकल्प यांनी या कार्यक्रमातून मत्स्यव्यावसायिक आणि किनारपट्टीवरील लोकांमध्ये या कार्यक्रमातून जनजागृती निर्माण होईल आणि मत्स्य व्यवसायास चालना मिळेल अशी आशा व्यक्त केली. आपल्या अध्यक्षीय भाषणामध्ये डॉ. केतन चौधरी, वरिष्ठ वैज्ञानिक अधिकारी यांनी सागरी जीवशास्त्रीय संशोधन केंद्राची आणि त्यांच्या कार्याची माहिती दिली. तसेच सिंधुदुर्ग जिल्हातील प्रशिक्षणार्थीनां प्रशिक्षणाकरिता घेवून येणाऱ्या श्रीमती. गौरी मायनाक, प्रक्षेत्र अधिकारी, वनराई, पुणे यांचे विशेष कौतुक केले. तसेच मत्स्य संवर्धनाद्वारे शाश्वत पर्याय विकसित करणे गरजेचे आहे असे सांगितले. प्रा. सचिन साटम यांनी या कार्यक्रमाचे समन्वयक म्हणून काम पाहिले. कार्यक्रमाचे सूत्र संचालन सौ. अपूर्वा सावंत, वरिष्ठ संशोधन सहाय्यक यांनी केले.
दोन दिवसीय प्रशिक्षण कार्यक्रमामध्ये खेकडा पालन व निमखारे पाणी व्यवस्थापन या विषयी डॉ. हरीश धमगाये, अभिरक्षक; तर समुद्री शेवाळ संवर्धन या विषयी श्री. चिन्मय दामले जलजीविका, रत्नागिरी तसेच मत्स्य शेतीः रोग व्यवस्थापन व निमखाऱ्या पाण्यातील कोळंबी शेती या विषयी डॉ. आसिफ पागारकर, प्राध्यापक यांनी मार्गदर्शन केले. मासे तसेच खेकडे काढणी आणि काढणी पश्चात काळजी यावर प्रा. सचिन साटम यांनी मार्गदर्शन केले. सागरी शोभिवंत मासेः ओळख व निमखाऱ्या पाण्यातील मत्स्य शेती या विषयी सौ. वर्षा सदावर्ते, जीवशास्त्रज्ञ यांनी मार्गदर्शन केले. वरिष्ठ वैज्ञानिक अधिकारी डॉ. केतन चौधरी यांनी मत्स्य शेतीचे अर्थशास्त्र या विषयावर मार्गदर्शन केले. सर्व सहभागींना मान्यवरांच्या हस्ते प्रमाणपत्र व प्रशिक्षण हस्त पुस्तिका वितरीत करण्यात आली.
सदर कार्यक्रम यशस्वी पार पाडण्याकरीता करीता डॉ. बाळासाहेब सावंत कोंकण कृषि विद्यापीठ, दापोलीचे आदरणीय कुलगुरू डॉ. संजय भावे, विस्तार शिक्षण संचालक डॉ. राजेश ठोकळ आणि संशोधन संचालक डॉ. प्रशांत शहारे यांचे विशेष मार्गदर्शन लाभले. सदर कार्यक्रम डॉ. केतन चौधरी, वरिष्ठ वैज्ञानिक अधिकारी यांच्या मार्गदर्शनाखाली डॉ. आसिफ पागारकर, प्राध्यापक, डॉ. हरिष धमगये, अभिरक्षक व प्राध्यापक; प्रा. नरेंद्र चोगले व प्रा. सचिन साटम, सहाय्यक संशोधन अधिकारी; श्रीम. व्ही. आर. सदावर्ते, श्रीम. ए. एन. सावंत, वरिष्ठ संशोधन सहाय्यक यांनी विशेष परिश्रम घेतले. या कार्यक्रमाकरिता श्री. रमेश सावर्डेकर, वरिष्ठ प्रयोगशाळा सहाय्यक; कार्यालय अधिक्षक, श्री. श्रीकांत तांबे, श्री. मनीष शिंदे, मत्स्यालय यांत्रिक; श्रीम. जे. जे. साळवी, वरिष्ठ लिपिक; श्री. दिनेश कुबल, बोटमन; श्री. सुहास कांबळे, शिपाई, श्री. सचिन चव्हाण, मजूर, श्री. प्रवीण गायकवाड, क्षेत्र संग्राहक; श्रीम. भूमी भाटकर, श्री. तेजस जोशी, श्री. प्रशांत पिलणकर, श्री. योगेश पिलणकर, श्री. स्वप्नील आलीम व श्री. अभिजित मयेकर यांनी परिश्रम घेतले.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
