नालंदा ग्रामसमृद्धी सन्मान सोहळा 2026 उत्साहात संपन्न
ग्रामविकास अधिकारी संदीप जाधव यांचा विशेष सन्मान; विविध क्षेत्रातील मान्यवरांची उपस्थिती
रत्नागिरी प्रतिनिधी:- निलेश रहाटे
नालंदा ऑर्गनायझेशनच्या वतीने आयोजित करण्यात आलेला नालंदा ग्रामसमृद्धी सन्मान सोहळा 2026 हा कार्यक्रम पत्रकार भवन, नवी पेठ, पुणे येथे उत्साहपूर्ण वातावरणात पार पडला. ग्रामीण विकास, सामाजिक आणि शैक्षणिक क्षेत्रात उल्लेखनीय कार्य करणाऱ्या व्यक्तींना यावेळी गौरविण्यात आले.
कार्यक्रमास ए.आर.जे. ग्रुपचे चेअरमन जितेंद्र दाते, के.के. हॉस्पिटलच्या सीईओ माधुरीताई शेटे आणि समाजसेवक महेश नेमणे हे प्रमुख अतिथी म्हणून उपस्थित होते. मान्यवरांनी आपल्या मनोगतातून ग्रामीण विकासासाठी समाजातील विविध घटकांनी एकत्रितपणे काम करण्याची गरज व्यक्त केली.
या सोहळ्यात रत्नागिरी तालुका मधील वाटद गावातील जांभारी मध्ये कार्यरत ग्रामविकास अधिकारी संदीप जाधव यांना ग्रामीण भागातील योजनांची प्रभावी अंमलबजावणी, पारदर्शक प्रशासन आणि ग्रामसमृद्धीसाठी केलेल्या उल्लेखनीय कार्याबद्दल सन्मानचिन्ह व प्रमाणपत्र देऊन गौरविण्यात आले. त्यांच्या कार्यामुळे ग्रामीण विकासाला गती मिळाल्याचे मान्यवरांनी सांगितले.
तसेच सामाजिक आणि शैक्षणिक क्षेत्रात उल्लेखनीय योगदान देणाऱ्या अन्य व्यक्तींनाही पुरस्कार प्रदान करण्यात आले. नालंदा ऑर्गनायझेशनच्या या उपक्रमामुळे ग्रामीण भागातील विकास कार्यांना नवे प्रोत्साहन मिळेल, असा विश्वास व्यक्त करण्यात आला.
कार्यक्रमाच्या शेवटी आयोजकांनी उपस्थित मान्यवर, पुरस्कारार्थी आणि नागरिकांचे आभार मानले.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
